Language Language Language Visning: A A A A A
toppbilde

Gielddastivra- ja fylkkadikkeválga Deanu gielddas – váljjejeadjiide

ÁRRÁ OVDDALGIHTII JIENASTEAPMI RIIKASISTE

Váljjejeaddjit geain ii leat vejolašvuohta jienastit dan dábálaš ovdalgihtii jienastanáigodagas ja dahje válgalanjas/válgadikkis, sáhttá addit nu gohčoduvvon árrá ovddalgihtii jiena áigodagas geassemánu 1.b – borgemánu 9.b. rádjai 2019.   Árrá ovddalgihtiijienaid vuostáiváldin šaddá leat Deanu ráđđevisttis vuossárggas-bearjadahkii tii 09.00 gitta tii 15.00 rádjai. 

Fuomášuhttit maid ahte dalle eai leat vuos gárvvisin dohkketuvvon válgalisttut. Dat mearkkaša ahte sáhttá dušše jienastit bellodaga/joavkku ja ii maiddái sáhte addit personjiena dahje šleangojiena. Steammaseaddal ii galgga bidjot njuolga urdnii, muhto ovtta steammaseaddalkovoluhtti.  Steammaseaddalkovoluhtta biddjo oktain válgakoartain (mii čállit olggos dutnje válgakoarta jos it leat dan ožžon poasttas) olggoškonvoluhttii. Olggoškonvoluhtta biddjo urdnii. Jienasteapmi doalatuvvo dalle nu ahte čiegus válgagáibádus bisutuvvo.

Jos váljjet addit árráovddalgihtii jiena, de sáhtat jienastit dan gielddas gos don háliđat. Jienasteapmi dastto sáddejovvo dan gildii gos don leat álbmotregistáris gos ásset ovdal geassemánu 30.b. 2019.


 

DÁBÁLAŠ OVDDALGIHTII JIENASTEAPMI RIIKASISTE

Dábálaš ovddalgihtii jienastapmi čáđatuvvo áigodagas borgemánu 10. beaivve rájes gitta čakčamánu 6. beaivve rádjai 2019. Áiggit ja báiki almmutuvvo go ovddalgihtii jienasteapmi lahkona. Jienastanbáiki: 
Báiki: Deanu ráđđevisti, Ráđđevisttegeaidu 24
Latnja: Čoahkkinlatnja 1, 1.geard.
Rahpanáigi: vuossárggas bearjadahkii, tii. 09:00 - 15:00 

Jos don háliđat ovddalgihtii jienastit, de sáhtat jienastit dan gielddas Norggas gos háliđat. Du jienasteapmi sáddejovvo dalle dan gildii gos don álbmotregistáris leat ja gos ásset ovdal geassemánu 30.b. 2019.

Muite ovddalgihtii jienastit áiggilDeanu gielddas lea guokte-beaivve sáddeđanáigi sihke sisa ja olggos gielddas. Fuomáš ahte dus leat alddát ovddasfástádus ahte doarvái árrat jienastat vai jietna joavdá poasta mielde ovdal maŋŋebárgga čakčamánu 10. b. tii 17:00 2019.


 

OVDDALGIHTII JIENASTEAPMI DEARVVASVUOĐA- JA FUOLATUSINSTITUŠUVNNAIN JA RUOVTTUS JIENASTEAPMI

Ovddalgihtii jienasteapmi dearvvasvuođa- ja fuolatusinstitušuvnnain čađatuvvo maŋimuš vahku ovdal válgabeaivvi (vahkku 36) čuovvovaš báikkin:
- Distriktpsykiatrialaš guovddáš DPS, 2.b. čakčam. tii. kl. 10:00-11:00
- Deanu fuolatusguovddáš, 2.b. čakčam. tii. 11:30-12:30
- Ásodatbálvalus, 3.b. čakčam. tii. 10:00-11:00
- Boares Máŋggageavatusguovddáš, 3.b. čakčam. tii. 11:30-12:30
- Deanu dearvvasvuođaguovddáš (buohcciidstuá), 4.b. čakčam. tii. 10:00-11:00
- Fuolatusvisttin, Máskkevárregeaidnu, 4.b. čakčam. tii. 11:30-12:30

RUOVTTUS JIENASTIT

Jos don buozalmasa geažil ja/dahje doaibmahehttehusa geažil it sáhte boahtit ovddalgihtii jienastansadjái ja dahje boahtit jienastanbáikái válgabeaivvi, de sáhtat ohcat beassat jienastit ruovttus dahje gos don leat. Dalle bohtet válgamielbargit ruoktot du lusa vai beasat jienastit ovddalgihtii. Ruovttus jienasteapmi loahpatuvvo čakčamánus bearjadaga 6.b.

Áigemearri ohcat ruovttus jienastit lea čakčamánu 3.b. Váldde oktavuođa telefon 46400200 / 46400305 dahje sádde e-poasta dása postmottak@tana.kommune.no  


 

OVDDALGIHTII JIENASTEAPMI OLGORIIKKAS  

Olgoriikkas sáhtat ovddalgihtii jienastit suoidnemánu 1.b. rájes 2019. Jan Mayenis ja Svalbardas sáhtat ovddalgihtii jienastit gitta čakčamánu 6.b. rádjai 2019, jos sysselmánni ii mearrit eará áigemeari. Eará olgoriika stášuvnnain leat ovddalgihtii jienastan áigemearri borgemánu 30.b. rádjai 2019.

Fuomáš ahte dus leat alddát ovddasfástádus ahte doarvái árrat jienastat vai jietna joavdá poasta mielde ovdal maŋŋebárgga čakčamánu 10. b. tii 17:00 rádjai 2019.


 

VÁLGADIGGI JIENASTEAPMI VÁLGABEAIVVI

Válgadiggi Deanu gielddas čađatuvvo sotnabeaivve 8.b. ja vuossárgga 9.b. čakčamánus 2019. Válgabeaivvi fertet jienastit dan gielddas gos álbmotregistaris leat ássin geassemánu 30.b. 2019. 

Deanu gielddas sáhtat válgabeaivvi jienastit gos fal buot dán guhtta válgabáikkis.  

Sirbmá
Sirpmá gilivisti, sotnabeaivvi tii 17:00 - 20:00 ja vuossárgga tii 10:00 - 18:00

Buolbmát/Fanasgieddi
Servviid dàllu/ Organisasjonenes hus, sotnabeaivve tii 17:00 - 20:00 vuossárgga tii 10:00 - 18:00

Deanušaldi Tanabru 
Deanu birasvisti, sotnabeaivvi tii 17:00 - 20:00 ja vuossárgga tii 10:00 - 20:00

Juovlavuotna
Juovlavuona servvodatvisttis, sotnabeaivvi tii 17:00 - 20:00 ja vuossárgga tii 10:00 - 18:00

Bovccá
Bovccá bajášsaddanguovddáš, sotnabeaivvi tii 17:00 - 20:00 ja vuossárgga tii 10:00 - 20:00

Buolbmát/Álletnjárga
Deanu Museas, sotnabeaivvi  tii 17:00 - 20:00 ja vuossárgga tii 10:00 - 18:00