Language Language Language Visning: A A A A A
toppbilde

Áigemearri geassemánu 30.b. 2019

Dieđiheapmi Sámedikki válgajienastuslohkui

Jos galggat beassat jienastit Sámediggeválggas de don fertet leat registrerejuvvon Sámedikki válgajienastuslohkui. Don sáhtat čálihit válgajienastuslohkui goas fal, muhto jos registreret iežat ovdal geassemánu 30.b. 2019, de leat mielde váikkuheamen áirraslogu iešguđet ge válgabires boahtte sámedikke áigodagas, 2021-2025.

Deaddil linkka jos don háliidat dieđihit iežat Sámedikki válgajienastuslohkui: Dieđiheapmi válgajienastuslohkui

Nuortaguovllu válgabirii gullet gielddat nu go Máttávárjját, Unjárga, Čáhcesuolu, Várggát, Báhccavuotna, Deatnu, Bearalváhki, Davvesiida, ja Gáŋgaviika. Man galle áirasa iešguđet ge válgabire oažžu boahtá das man ollugat leat dieđihan Sámedikki válgajienastuslohkui ovdal geassemánu 30.b. dan jagis go maŋimuštá leat dollon gieldda- ja fylkkadikkeválggat (nugo dán jagi).   

Ovddit Sámedikke válgga 2017:s oaččui Nuortaguovllu válgabirii ovtta áirasa uhcit go 2013 válgga, 6 áirasis 5 áirasii. Ledje dušše 18 uhcit sisačáliheamit gaskkal Nuortaguovllu ja Davviguovllu válgabire (mii lasihii daidda 5 áirasis 6 áirasii). Máŋimuš dárkonlohkamat 2017 válgajienastuslogus čájehit ahte Nuortaguovllu válgabire lea ožžon uhcimus sisačálihemiid go buohtasta daid eará válgabirii ektui.

Eanet dieđut Sámedikkeválgga birra