Language Language Language Visning: A A A A A
toppbilde

Doarjja sámegiela ovdánahttimii - guovttegielalašvuođadoarjja 2020

Deanu gielddastivra lea várren 124.000 kruvnnu sámegiela ovdánahttimii. HOOK juolluda ruđaid ohcamušaid vuođul. 

Áigemearri ohcat guovttegielalašvuođadoarjaga 21.02.2020.
Ohcamušat gieđahallojit fuolahusa, bajásšaddama ja kultuvrra váldolávdegottis (HOOK) 17.03.2020.

Ohcamuš sáddejuvvo:

Deanu gielda
Rådhusveien 24
9845 Deatnu

dahje e-poastta bokte čujuhussii postmottak@tana.kommune.no.

Áigemearri ohcat lea 21.02.2020

 

Čuovvovaš váldonjuolggadusat ja rutiinnat ásahuvvojit guovttegielalašvuođa ruđaid juolludeapmái:
 
1. Ulbmil
Ruđat sáhttet juolluduvvot doaimmaide mat ovdánahttet sámegiela ja sámi kultuvrra Deanu servodagas. 
 
2. Geat sáhttet ohcat
Searvvit, ovttastusat, fitnodagat ja gielddalaš doaimmahusat
 
3. Vuoruheamit
Čuovvovaš doaibmasuorggit vuoruhuvvojit 2020:s.
1. Doaimmat mánáid ja nuoraid várás
2. Gielladoaimmat ja álgooahpahus ollesolbmuide
3. Arenaid ásahit gos sámegiella ja kultuvra geavahuvvo aktiivvalaččat
4. Giellaovdánahttindoaimmaide sámi ealáhusain
5. Erenomáš doaimmat
 
4. Ohcamuš
Ohcamuš sáddejuvvo Deanu gildii. Doarjjaalmmuhus almmuhuvvo gieldda ruovttusiidduin. Ohcamušas galgá leat doaibmačilgehus oktan gollomeroštallamiin. Ruhta juolluduvvo prošeavttaide, ii ge dábálaš dollui. 
 
5. Dulkonbálvalusat
Deanu gielda fállá dulkonbálvalusaid dárbbu mielde 4 váhnenčoahkkimii sámi mánáidgárddiide. 
 
6. Rapporteren ja máksin
Juolluduvvon ruhta mákso raportta ja dasa guoski goluid duođaštusaid vuođul. Raporta ja máksinávžžuhus sáddejuvvo gildii ovdal 31.12 ohcanjagi.