Language Language Language Visning: A A A A A
toppbilde

Deanu eaktoguovddáš lágida joavkomátkki lieggariikii

Deanu eaktoguovddáš ovttasbargá Mátta-Várjjaga eaktoguovddážiin ja Mátta-Várjjaga Rukses ruossain lágidit sin jahkásaš mátkki lieggariikii Lanzarotii. 

logo_lokal_frivillig_grønn_word_rgb_200x122

 

Dán jagi manná mátki Lanzarotii cuoŋománu 10.-26. beaivvi, ja orrun lea Casas Heddy hoteallas.

Joavkomátki mas mátkejođiheaddji Girkonjárggas máksá 21.400,- kr (lassin boahtá bussemátki Girkonjárgii ja ruovttoluotta, mii almmuhat hattiid farga). Mátkejođiheaddji Mátta-Várjjagis lea Mátta-Várjjaga eaktoguovddáža beaivválaš jođiheaddji. Deanu mátkkošteddjiid jođiheaddji gártá leat Deanu eaktoguovddáža beaivválaš jođiheaddji.

Haddi lea 21.400,- kr, ja dat gokčá girdibileahtaid Girkonjárggas Osloi ja viidásat Lanzarotii ja ruovttoluotta. Olles penšuvdna (iđitborramuš, beaiveborran ja gaskabeaivvit) Casas Heddy hoteallas, ja maiddái bussemátki girdišiljus hotellii ja ruovttoluotta. Orrun lea duppallanjain – leat dušše muhtun sajit eaŋkillanjain, ja jus dan áigu, de ferte máksit veahá lasi.

Casas Heddy hotealla lea Mátta-Várjjaga eaktoguovddáš geavahan ovdal.

Oslo rukses ruossa oamasta Casas Heddy hotealla.

Guovllu viidodat lea 30 mihtu, ja doppe lea ee. Váldoviessu, stuorra stealli ja 76 ásodaga.

Eanáš ásodagat leat heivehuvvon juvlastuollogeavaheddjiide go lea vuosttas gearddis. Muđui lea olles hoteallaguovlu láhččon doaibmavádjigiidda.

Casa Heddys lea stuorra liggejuvvon olgobasseaŋŋa gos leat beaivvášseaŋggat ja beavddit.

Fysikálalaš oasis lea liggejuvvon basseaŋŋa siste ja máŋga dálkkodanlanja ja guokte hárjehallansále.

Skuvlavisttáža lahka, mii lea seammá guovllus, lea duhkoraddanbáiki ja sitnogieddi.

Guovllus leat ollu fiinna pálbmamuorat ja eará šattut.

Vuostáiváldimis hállet dárogiela, ja nu dahket maiddái doaibmajođiheaddjit ja fysioterapevttat. Boradanbáikkiin ja bárain áddejit maid ollugat dárogiela.

Doppe leat dárogielhálli buohccidivššárat bearráigeahčus birra jándoriid, ja oktii jándoris fitná báikkálaš doavttir Casas Heddys, ja sis lea šiehtadus priváhta buohcciviesuin lahkosis.

Veahkkeneavvut leat fidnemis luoikkasin ja lea maiddái vejolaš tiŋgot ofelašbálvalusa.

Čálgoossodat gos lea sihke vuoktačuohppi, juolgedikšun ja ruvven.

Boradanbáiki guossoha iđitborrama, beaiveborrama ja gaskabeivviid golmma oasis. Juohkehaš oažžu fásta čohkkánsaji boradanbáikkis. Bára mas leat buot vuoigatvuođat lea rabas maŋŋágaskabeaivve/ eahkedis.

Casas Heddys lea sierra busse mii vuojaša beaivemátkkiid juohke beaivve. Busses lea juvlastuolloheaisa.

 

 

Dá leat eambbo dieđut:

Praktihkalaš dieđut

  • Jus don dárbbašat divššu/ veahki birget beaivválaččat, de dus ferte leat mielčuovvu
  • Jus áiggut fysioterapiijatiimmu Casas Heddys, de fertet ieš ordnet rekvisišuvnna fástadoaktáristtát. Sáhtát maŋŋá ohcat buhtadit goluidat dán olis Helfos.
  • Muitte ordnet alccesat mátkedáhkádusa mii gusto dan beavvi rájes go dieđihat mátkái.
  • Fuolat ahte pássa gustojeaddji
  • Eurohpalaš dearvvasvuođaoadjokoarta berre leat mielde

 

Johtin:

Mátkki Osloi organisere Mátta-Várjjaga eaktoguovddáš ja Deanu eaktoguovddáš.

Vuolgin- ja máhccanbeaivve oažžu veahki fitnodagas Gardermoenis mii veahkeha hoigat juvlastuoluid.

Ullensaker Rukses ruossa veahkehit sisačálihemiin.

Go gálvvut lea sisačálihuvvon Gardermoenis, de oaččut dainna veahki gitta go joavddat hoteallalatnjii Lanzarotes. Áidna gáibádus lea ahte fertet identifiseret dan girdišiljus Lanzarotes, ja čuovvut dan bussii. Tuollonjuolggadusat gáibidit dan.

Girdimátki bistá sullii 5,5 tiimmu, ja lea vejolaš oastit borramuša ja juhkamuša girdis. Girdis čájehuvvo maiddái filbma.

Go joavdat Lanzarotii, de lea doaibmajođiheaddji ja vuostáiváldinbargit vuordimin min girdišiljus. Sii oahpistit min bussii, ja addet midjiide praktihkalaš dieđuid vuojedettiin hotellii. Bussemátki Casas Heddyi bistá sullii 15-20 min.

Casas Heddys ožžot buohkat lanja ja veahki gávdnat lanjaid. Lea maiddái diehtojuohkinčoahkkin go joavdat dohko.

 

Doaimmat/ olgomátkkit

Orodettiin Lanzarotes lea vejolaš searvat olgomátkkiide maid Casas Heddy lágida. Leat sihke márkanmátkkit, lustamátkkit ja historjjálaš mátkkit. Casas Heddys lea sierra busse ja ofelaš. Mátkkit leat nuvttá, muhto ferte máksit sisaboahtima daid iešguđetge báikkiin mat gáibidit mávssu.

Mii lágidat maiddái erenomášmátkkáža iežamet jovkui Casas Heddy bussiin. Dán čielggadat lagabui go joavdat Lanzarotii. Buot borramat leat rehkenaston haddái, muhto mis lea jurdda fitnat gos nu ovttas boradeamen muhtun eahkeda.

Mátta-Várjjagis leat jo hui ollugat dieđihan mátkái, ja sin sajit leat measta jo dievvan.

Deanus mis leat ain máŋga rabas saji, muhto dan sivas go johtit fárrolaga Mátta-Várjjagiin, de lea joavku jo oalle stuoris, nu ahte sosiála bealli gal ollašuvvá daidda geat Deanus maid vulget.

Eambbo dieđuid/dieđiheapmi, váldde oktavuođa Deanu eaktoguovddážiin

Hege Johannesen Holm, Deanu eaktoguovddáža beaivválaš jođiheaddj, mob. 46400278, e-poasta: post@tana.frivilligsentral.no.