Language Language Language Visning: A A A A A
toppbilde

Ohcamuš geahpedit váhnenmávssu mánáidgárddis

Miessemánu 1. beaivvi rájes 2015 ii galgga oktage ruovttudoallu máksit eambbo go 6% sisaboađus, ja borgemánu 1. beaivvi rájes 2015 lea buot 4 – 5 jahkásaččain, ja mánáin geain lea maŋiduvvon skuvlaálgin, geat orrot ruovttudoaluin main lea unnán sisaboahtu, vuoigatvuohta oažžut 20 tiimmu nuvttá mánáidgárdeáiggi juohke vahkus. Ohcanáigemearri geahpedit váhnenmávssu áigodahkii miessemánus geassemánnui 2015, lea čakčamánu 11. beaivi. Dan maŋŋá ii leat šat vejolaš oažžut geahpeduvvot váhnenmávssu mii guoskkai miessemánnui ja geassemánnui, muhto dušše dan mánu rájes go ohcamuš joavdá Deanu gildii. Mearrádus mii guoská váhnenmávssu geahpedeapmái gusto jagi, ja dan dihtii ferte ohcat ođđasit juohke mánáidgárdejagi várás. 

Ođđa riikaviidosaš ortnegat váhnenmávssu geahpedeapmái mánáidgárddiin:

  • Váhnenmávssu geahpedeapmi ásahuvvui miessemánu 1. beaivve rájes 2015 bearrašiidda mat mákset eambbo go 6 % sisaboađus mánáidgárdesaji ovddas

 

  • borgemánu 1. beaivvi rájes 2015 lea buot 4 – 5 jahkásaččain, ja mánáin geain lea maŋiduvvon skuvlaálgin, geat orrot ruovttudoaluin main lea unnán sisaboahtu, vuoigatvuohta oažžut 20 tiimmu nuvttá mánáidgárdeáiggi juohke vahkus. Borgemánu 1. beaivve rájes lea sisaboađu rádjá evttohuvvon biddjot 405 000 kruvdnui. Dát rádjá galgá mearriduvvot Stuorradikkis jahkásaš bušeahttabarggu olis, seammá láhkai go maksimála haddi.

 

Ortnet nuvttá váimmusáiggiin gusto beroškeahttá lea go sáhka olles- dahje oasseáigesajis.

Meroštallanvuođđu lea ruovttudoalu obbalaš persovdnadienas ja vearrogeatnegas kapitálasisaboahtu. Dienasvuođđu galgá speadjalastit duohta vearrogeatnegas sisaboađu. Ohccis/ohcciin lea vearrogeatnegas sisaboahtu  dahje persovdnadienas mii ii čuoččo ovddalgihtii devdon vearrodieđáhusas, de lea olbmos geatnegasvuohta dieđihit dán.

Ohcanáigemearri geahpedit váhnenmávssu áigodahkii miessemánus geassemánnui 2015, lea čakčamánu 11. Beaivi. Dan maŋŋá ii leat šat vejolaš oažžut geahpeduvvot váhnenmávssu mii guoskkai miessemánnui ja geassemánnui, muhto dušše dan mánu rájes go ohcamuš joavdá Deanu gildii. Mearrádus mii guoská váhnenmávssu geahpedeapmái gusto jagi, ja dan dihtii ferte ohcat ođđasit juohke mánáidgárdejagi várás.

Ovddasteaddjit geat ohcet, fertejit orrut seammá álbmotregistrerejuvvon čujuhusas go mánná. Ovddasteaddjit sáhttet ohcat gasku mánáidgárdejagi, jus lea nu ahte sisaboahtu rievdá ollu guhkit áigái. Dás oaivvilduvvo ahte fáhkka dinešgoahtá mealgat unnit omd. jus gártá barggu haga guhkit áigái, dahje jus ruovttudoalu čoahkádus rievdá.

Dassážii go mii oažžut  ortnegii elektronalaš ohcanskovi, de ferte ohcat čálalaččat ja bidjat mielddusin vearrodieđáhusa(id) ja eará persovdnadienas- ja kapitáladietnasa duođaštusaid 2014 ovddas, jus leat dákkárat.

Eambbo dieđuid dan ođđa riikaviidosaš ortnega birra: 

http://www.udir.no/Barnehage/Regelverk/Foreldrebetaling/Moderasjonsordninger-foreldrebetaling/

http://www.udir.no/barnehage/regelverk/foreldrebetaling

Sádde ohcamušastat oktan mildosiiguin Deanu gildii, Rådhusveien 24, 9845 Deatnu. Ohcamuša sáhttá maid geiget ráđđevistti telefonguovddážii. Merke ohcamušastat ref.nummiriin 2015/2212.