Language Language Language Visning: A A A A A
toppbilde

Prošeakta ollesolbmuidoahpahus – mun hálidan šaddat DEARVVASVUOĐABARGIN – ABC:in fágabrevii

Dákko bokte mii bovdet din gieldda mielde prošektii: mun hálidan šaddat DEARVVASVUOĐABARGIN - ABC:in fágabrevii 2012-2015.

Dieđut prošeavtta birra

 

Prošeakta lea laktásan Máhttoloktemii mas okta vuoruhansuorgi lea skuvlet eambbo Dearvvasvuođafágabargiid boahttevaš jagiid. Lea čájehuvvon ahte lea váttis rekrutteret joatkkaskuvllain dušše fidnooahppiortnega bokte. Dan dihtii lea Dearvvasvuođadirektoráhta čavgen searaid. Boarásmuvvan ja dearvvasvuohta lea viiddis oahppoásahus máddin, ja doppe leat ožžon barggu dearvvasvuođadirektoráhtas viiddidit oahppodoaimmaid ollesolbmuid várás máŋgga sajis norggas dárbbu mielde. Oahppu lea rievtti mielde nuvttá, mas juohkehačča mátkkit ja orrun gokčojit.

Finnmárkku almmolaš sektora oahppokantuvra oaččui diimmá čavčča prošeaktaruđaid fylkkas koordineren dihtii ja bidjan dihtii johtui oahpahusa sierra luohkkái Finnmárkkus. Ráhkkanedje álggahit Dearvvasvuođafágabargi fágaoahpahusa ollesolbmuide geain ii leat oahppu. Miellahttogielddat Davvi-siida, Gáŋgaviika, Bearalváhki ja Porsáŋgu válljejuvvojedje leat mielde álggaheamis ja dat leat leamaš veahkkin láhčit dili rekrutteret bargiid, geain ii leat oahppu, váldit oahpu.

Go beaggigođii ahte galggai álggahuvvot oahpahus čoagganemiid bokte Leavnnjas, de ollugat válde minguin oktavuođa. Dalle mii válljiimet čohkket 30 oahppi ovtta luohkkái, vuosttažettiin dan njealji namuhuvvon gielddas. Lasiheimmet ohppiid vel eará gielddain, ja mii beasaimet johtui guovvamánus 2014 30 ohppiin, mat bohte sihke Davvi-siiddas, Gáŋgaviikkas, Porsáŋggus, Čáhcesullos, Davvinjárggas ja Mátta-Várjjagis. Oahppit deaivvadit njelljii beannot jagis ja juohke deaivvadeapmi bistá vahku. Oahppit mákset 5000,- iežasoassin oahppokantuvrii. Juohke gielddas lea vejolaš ohcat oahpporuđaid fylkkas, gokčan dihtii sadjásašgoluid. Mii háhkat oahppogirjjiid. Oahppit leat čatnon neahttaluohkkálatnjii, gosa galget sisabuktit bargobihtáid čoagganemiid gaskka. Buohkat čađahit fágaidrasttildeaddji eksámena giđđat 2016, ja dasa fertejit buohkat leat háhkan alcceset doarvái praktihkalaš bargovásáhusa, vai besset čađahit fágaiskosa. Fáddá boarásmuvvan ja dearvvasvuohta sáhttá čuovvut juohke eaŋkil oahppi gitta fágabreava rádjái.

Prošeakta lea dál bures boahtán johtui, ja mis leat plánat viiddidit prošeavtta vuosttažettiin dakko bokte ahte fátmmastat Várggáid, Čáhcesullo, Unjárgga ja Deanu gielddaid. Leat jurddašan lágidit dan njeallje vahkkočoagganeami dan beannot jagis Čáhcesullos, ja jurdda lea álgit guovvamánus 2015.

Eaktun beassat álgit lea ahte dus ii leat oahppu, muhto lea virgi gielddas, bistevaš, sadjásaš dahje gohččunsadjásaš. Dus galgá maid leat oktavuohta bagadalliin bargosajis, geas lea fágalaš oahppu. Ohcanskovvi/ registrerenskovvi sáddejuvvo Boarásmuvvan ja dearvvasvuhtii, guhte maid guorahallá juohke eaŋkil ohcci gelbbolašvuođa.

Oktavuođaolmmoš

Svein Ekhorn

Bagadalli

Finnmárkku almmolaš sektora oahppokantuvra

Mobiila: 94885175