Language Language Language Visning: A A A A A
toppbilde

Lea go dus jurdda huksegoahtit? Gielddas leat viessosajit Deanušalddis mat leat gárvvistuvvon huksemii

Deanušalddi ođđaseamos viessoguovlu, Duovvegeaidnu, lea bivnnut viessoguovlu. 14 viessosadjái leat jo huksen viesuid, ja 11 eará viessosaji leat jo juolluduvvon dahje láigohuvvon. Seammas leamaš ollu doaimmat kránnjáguovlluin, nammalassii Luossa- ja Diddegeainnus. Doppe leat dušše 2 viessosaji vel báhcán.

Jus hálidat ohcat viessosaji, de fertet geavahit dábálašskovi mii lea dás vuollelis, ja sáddet dan e-poastta bokte čujuhussii:  postmottak@tana.kommune.no, dahje breava bokte Deanu gildii, 9845 Deatnu. Jus hálidat ságaškuššat makkár viessosaji válljet, de sáhtát soahpat tiimmu gieldda huksenáššemeannudeddjiin Bjørnar Anderseniin (tlf. 464 00 269) dahje plánejeddjiin Lars Smelandain (tlf 464 00 268).

Duovvegeainnu viessosajiid hattit leat otne 209,- kr/ m2. Dát gokčá gieldda olggosgoluid ráhkkanahttit viessosaji huksemii: geaidnu, čáhce- ja golggiidusvuogádat ja geaidnočuovggat. Lea maid ásahuvvon telefon- ja fiberfierpmádat viessoguvlui maid ássit sáhttet tiŋgot. Viessosadjehattit leat birrasii 200.000-350.000 kr, ja dat boahtá das man stuoris viessosadji lea.

Dan moatti rabas viessosajis Luossa- ja Diddegeainnus, lea haddi 75,- kr/ m2. Vuollelis lea viđji girdigovvii masa viessosajit leat merkejuvvon, ja das oainnát maid sullii man ollu máksá, plánamearrádusaid ja plánačilgehusa.

 

Energiijaseastinviesut 

Deanu gielddalaš opmodatfitnodat lea huksen 4 energiijaseastinviesu láigoheami várás ássanguvlui. Energiijaviesuid ii leat dárbu ligget seammá láhkái go dábálaš viesuid. Áiggi mielde bohtet gáibádusat ahte buot viesut galget huksejuvvot energiijaseastinviessun dahje passiivaviessostandárdan. Enovas leat doarjjaortnegat dákkár viesuid huksemiidda. Sáhtát lohkat eambbo čuovvovaš neahttasiiddus: http://www.enova.no/finansiering/privat/programtekster-bolig/stotte-til-passivhus-og-lavenergibolig-privat/409/862/

Gielda lea maid várren viessohuksenguovlluid olggobealde muddejuvvon guovlluid, muhto doppe fertejit olbmot ieža ordnet visot; soahpat eananeaiggádiin (priváhta dahje FeFo), geainnu, golggiidusa ja el-rávnni. Čuovvovaš viđjjis oainnát gos dát guovllut leat:

http://www.tana.kommune.no/ledige-tomter-og-naeringsarealer-i-tana.4533259-51331.html

Deanu gielda sávvá lihku dutnje gii soaittát huksegoahtit!