Language Language Language Visning: A A A A A
toppbilde

Geassi Deanus 2014 - prográmma

Geassi Deanus álggahuvvo rabasbeivviin geaidnomuseas Skiippaguras suoidnemánu álggus. 27. vahku loahpas leat Deatnu Álbmotakademiijas stuorra doalut gos leat ee. nuorra dáiddárat njunnošis. Maiddái dán jagi lea oaggungilvu Deanušalddis ja seammá beaivve luitet koanstavuojažiid šalddis detnui. Dát doalut leat daid várás geain lea garra gilvalanmokta ja geat hálidit leat olgoáimmu ovddas.

Vuosttaš fysalaš doaluid illun buohkaide, lágida Gohpi ja Čuollovuona gilisearvi. Sii lágidit vázzinbeaivvi Ráttovuonas Čuollovutnii/ Deanodahkii. Eará vázzinbeaivvit das maŋŋá leat Oscar-vázzin, Gollevárvázzin, Stáŋgganasvázzin ja vázzinbeaivi Rástegáisái, mii lágiduvvo borgemánu loahpas. Dát lea dat maŋimuš vejolašvuohta searvat lášmmohallan- ja sosiálamátki várrečohkaide gielddas.

Dat mii lea ođas dán jagi, lea deatnogátti kulturbeaivvit Hedeguohpis. Sii celket ahte dán jagi sii deattuhit luossabivddu, ja doalut leat jurddašuvvon erenomážit mánáide ja nuoraide. Doppe lea vejolašvuohta oahppat luossabivddu historjjálaš perspektiivvas ja dálá áiggis. Sii lágidit maid iešguđet ge lágan kulturdoaluid lassin luossabivdui.

 

Guhkesnjármárkanat lágiduvvojit nu mo dábálaččat, ja doaivumis lea dan mađi geasás ahte deatnulaččat ja earát geassádit Guhkesnjárgii suoidnemánu 12. beaivve. 29. vahkus lea báikkálaš dáiddáris Hans Ragnar Mathisenis dáiddačájáhus birasvisttis.

Tana jeger- og fiskeforening lágida nuoraidleairra Hárrejávrris suoidnemánu loahpas. Sis ledje ollu oasseváldit diibmá, ja doivot ahte lihkostuvvet bures dán jagi maid.

Soitet lágiduvvot eambbo doalut geasi mielde. Mii ávžžuhat geahčastit doaibmakaleandara gieldda ruovttusiidduin.

 

Prográmma