Language Language Language Visning: A A A A A
toppbilde

Hárrejávrri olgonastinguovllu detáljamudden lea mearriduvvon

Detáljamuddenplána ulbmil lea láhčit olgunastinguovllu Hárrejávrris dan láhkái ahte dohko lea álki beassat ja ahte dat fas arvvosmahttá eambbo olgunastindoaimmaide. Plána galgá maid váldit vuhtii lundui, eanadollui ja boazodollui dán guovllus. Doaibmabijut plánaguovllus galget hábmejuvvot luondduustitlaččat.

Areálageavaheapmi váldá vuhtii Plána- ja huksehuslága § 12-5, ja leat:

1) Huksehusat ja rusttegat mas bohtet ovdan lobálaš visttit ja rusttegat, ja leairasadji ja návstu.

2) Johtalus; dása guoská geaidnu ja bisánansajit

3) Eanadoallo-, luonddu- ja olgunastindoaimmat ja maiddái boazodoallu; dása guoská luondduguovlu, olgunastinguovlu ja eanadoalloulbmil.

 

Plánaevttohus mearriduvvui ovttajienalaččat gielddastivrras 12.06.2014.

Áššáiosolaččat ja earát geain lea rievtti bokte lea vejolašvuohta guoddalit, sáhttet guoddalit plánamearrádusa, vrd. Plána- ja huksehuslága § 1-9 ja hálddahuslága §§ 28 – 36. Áigemearri guoddalit lea 3 vahku almmuhanbeaivis. Guoddalus sáddejuvvo Deanu gildii, Rådhusveien 24, 9845 DEATNU dahje postmottak@tana.kommune.no.

Jus leat buhtadusgáibádusat, de daid ferte sáddet čálalaččat Deanu gildii maŋimustá 3 jagi maŋŋá go plánamearrádus almmuhuvvo, vrd. plána- ja huksehuslága § 15-3.

Plánadokumeanttat leat viđjjiin artihkkala vuolde.