Language Language Language Visning: A A A A A
toppbilde

Áigemearri buktit cealkámušaplánaevttohussii lea ođđajagimánu 3. b. 2014

Hárrejávrri olgodaddanguovllu muddenplánaevttohus lea biddjon gulaskuddamii ja almmolaš geahčadeapmái

 

Planavgrensing Harrevann friluftsområde
Hárrejávrri olgodaddanguovllu plánaráját

Láhkavuođuin plána- ja huksehuslágas § 12-10, biddjo Hárrejávrri olgodaddanguovllu detáljamudden almmolaš geahčadeapmái áigodahkii skábmamánu 5.b. 2013 – ođđajagimánu 3.b. 2014. Mudden lea dieđihuvvon breavas beaiváduvvon 21.10.2010.

Plána ulbmil lea láhčit olgodaddan guovllu Hárrejávrái dan láhkai ahte buohkaide lea beassamis  dohko, ja mii arvvosmahttá eambbo olgodaddandoaimmaid. Plána galgá maid váldit vuhtii luonddu, eanadoalu ja boazodoalu dán guovllus. Doaibmabidju galgá hábmejuvvot dan láhkai ahte váldá vára luonddus. Dás oaivvilduvvo ahte doaibmabijut galget nannet vásáhuskvalitehtaid, goaridit luonddu nu unnán go vejolaš, ii ge mielddisbuktit dárbbašmeahttun luonddubiras ja kultureanadat bilidemiid.

 

Areálageavaheapmi gártá Plána- ja huksehuslága mielde, § 12-5 guoskevaččat areálaulbmilii, leat:

  1. Huksehusat ja rusttegat, main leat merkejuvvon lobálaš huksehusat ja rusttegat, leairasadji ja návstu.
  2. Johtalus, mas geaidnu ja bisánansajit leat vuolit ulbmilin
  3. Ruonashámádat mas luondduguovlu ja friddjaguovlu lea vuolit ulbmilin
  4. Eanadoalloulbmil, nammalassii eanadoallogeaidnu

Gulaskuddancealkámušat sáddejuvvojit Deanu gildii, 98 45 Deatnu, dahje postmottak@tana.kommune.no, ovdal ođđajagimánu 3. beaivve 2014.

Maŋŋebárgga skábmamánu 19. beaivve dollo rabas čoahkkin plána birra Deanu ráđđevisttis.

Plánaevttohusa ovdanbuktin lea mielddusin artihkkala loahpas. Plánaevttohus čájehuvvui čoahkkimis skábmamánu 19. beaivve.