Language Language Language Visning: A A A A A
toppbilde

Bálkkašuvvon sámi musihkkár boahtá Deanu kulturskuvlii

Deanu kulturskuvla lea hui rámis go leat ožžon bálkkašuvvon sámi musihkkára mielde lávddi ala teáhterčájálmassii Máidnasat, Rieban ja Stálustállan, mas lea álgočájálmas skábmamánu 21. beaivve tii. 18:00 Birasvisttis.

Niko_200x301

Niko-Mihkal Valkeapää  lea sámi lávllačálli ja musihkkár, geas lea gullevašvuohta sihke suoma- ja norggabeallái. Son lea dáiddár Áillohačča, Nils Aslak Valkeapää, ristbárdni.

Niko Valkeapää vuittii Sámi Grand Prix 1994:s ja 1995:s. Son oaččui Spelemann-bálkkašumi 2003:s rabas luohkás, ja vuittii riikkaidgaskasaš minoritehtamusihkkagilvvu Liet. 2008:s son vuittii guokte Folkelarm-bálkkašumi. Son lei Sápmi Music artista 2012:s. Otne son lea guođđán oahpaheaddjibarggu ja birge musihkain. Son ássá Oslos.

Dál son lokte min mánáidčájálmasa mearihis alla dássái iežas miellalágiin.

Suotnjarat teáhterjoavkkus leat neavttároahppit gaskkal 11-13 jagi. Sin mielas lea erenomáš miellagiddevaš go sis lea profešunealla musihkkár sin searvvis ja mielde lávddi alde. Buresboahtin čájálmassii.