Language Language Language Visning: A A A A A
toppbilde

Leat go jienastuslogus? Stuorradiggeválga ja Sámediggeválga 2013

Jus galggat sáhtit jienastit dán čavčča Stuorradigge- ja Sámediggeválggain fertet leat čálihan iežat jienastuslohkui.

Sáhtát iežat ássangielddas iskat leat go Stuorradikki jienastuslogus, go dat biddjojuvvo geahčadeapmái báikkiide mat leat namuhuvvon dán almmuhusas.

Jus leat fárren eará gildii ja du fárrenalmmuhus ii leat vel čálihuvvon álbmotlogahallamii geassemánu 30.b. 2013:s, gulat don ain dan gieldda jienastuslohkui gos leat fárren. Dalle sáhtát jogo ovdalgihtii jienastit, dahje jienastit válgabeaivvi dan gielddas gos don leat jienastuslogus.
 
Jus leat ožžon válgakoartta poasttas, de oidno koarttas man gielddas don leat jienastuslogus, ja man biirii don gulat, ja dan biire rahpanáiggit. Go oaččut válgakoartta de mearkkaša dat ahte leat jienastuslogus. Jus it leat ožžon válgakoartta ovdal borgemánu 3.b., fertet váldit oktavuođa gielddain ja dárkkistit ahte leat go jienastuslogus. Muitte vurket koartta ja váldde dan fárrui go vuolggát jienastit.
Jus it leat Stuorradikki jienastuslogus, dahje don oaivvildat ahte sáhttet leat eará meattáhusat listtuin, sáhtát dan guoddalit. Guoddalus galgá leat čálalaččat ja dat galgá leat vuođuštuvvon. Guoddalus sáddejuvvo gieldda válgastivrii. Rivttes čujuhusa gávnnat vuolleleabbus almmuhusas.
 
Jienastuslohku lea biddjon geahčadeapmái čuovvovaš báikkiin:
  • Deanu Ráđđevisti
  • Deanu Girjerájus,
  • Deanu ja Unjárgga girjerájusbussa
  • Bil og Maskin, Juovlavuotna
  • Esso, Ruostefielbmá
  • Tapio A.E Eftf. Sirbmá
  • Čálliid Lágdus - Organisasjonenes hus, Båteng
Jienastuslogu meattáhusaid guoddalusa sáddet:
 
Deanu gielda válgastivrra, Rådhusveien 24, 9845 Deatnu / postmottak@tana.kommune.no
 

Sámediggeválgga várás

Jus galggat beassat jienastit Sámediggeválggas, fertet leat čálihuvvon Sámedikki jienastuslohkui. Buot jienasteaddjit geat leat čálihuvvon dán jienastuslohkui, ožžot sierra válgakoartta Sámediggeválgii. Muitte vurket koartta ja váldde dan mielde go vuolggát jienastit.
 
Jus it leat ožžon válgakoartta Sámediggeválgii, fertet váldit oktavuođa Sámedikkiin telefovnna bokte: 78 47 40 00. Doppe oaččut rávvagii mo galggat bargat jus áiggut ozahit iežat Sámedikki jienastuslohkui.
 
Jus don it leat Sámedikki jienastuslogus, ja leat ozahan iežat dohko, dahje jus du mielas leat eará meattáhusat listtuin, sáhtát dan guoddalit. Guoddalus galgá leat čálalaččat ja vuođuštuvvon. Guoddalus sáddejuvvo Sámediggi - Sametinget, Ávjovárgeaidnu 50, 9730 Karasjok/Kárášjohka