Language Language Language Visning: A A A A A
toppbilde

Árrajienasteapmi - Stuorradiggeválggaide ja Sámediggeválggaide 2013

Jienasteaddjit geat háliidit árrat jienastit suoidnemánu 1.b. rájes borgemánu 9.b. rádjái sáhttet gielddain váldit oktavuođa ja šiehtadit jienastanáiggi. Don sáhtát váldit oktavuođa vaikko guđe gielddain Norggas.

Deanu gielddas sáhtát ovddalgihtii jienastit čuovvovaš báikkis:

Deanu ráđđevisttis, Rådhusveien 24, Čoahkkinlatnja 1.grd.

Jienasteaddji sáhttá váldit oktavuođa gielddain soahpan dihtii áiggi jienastit. Dán sáhttá dahkat čálalaččat dahje njálmmálaččat. Deanu gielda, tlf. 46400200 / postmottak@tana.kommune.no 

Dát ortnet guoská buot jienasteddjiide. Árrajienasteapmi lea jurddašuvvon dakkár ortnegiin daidda geain ii leat vejolašvuohta ovddalgihtii jienastit dábálaš jienastanáigodagas dahje válgabeaivve. Ii gáibiduvvo dattege ahte jienasteaddji ferte duođaštit ahte ii sáhte ovddalgihtii jienastit dahje jienastit válgabeaivve. 

Jienasteddjiin galgá leat vejolašvuohta jienastit juohke áidna gielddas Norggas. Nu ba ii gáibiduvvo ahte dat guhte áigu jienastit, ferte dahkat dan dan gielddas gos lea jienastuslogus. Válgastivra sáhttá dađistaga sáddet jienaid dan gildii gosa dat gullet.
tidligsstemmegivning_samisk.jpg