Language Language Language Visning: A A A A A
toppbilde

Leat dál divodišgoahtán Deanu ráđđevistti

Dán jagi mielde galgá viimmat Deanu ráđđevisti bures nehkui divvojuvvot. Vuosttas oasis čovdojuvvojit gáibádusat mat gusket universála hábmemii dakko bokte ahte biddjo heaisa gerddiid gaskka, ja ráhkaduvvojit ođđa hivssegat mat leat heivehuvvon doaimmashehttejuvvomiidda. Jagi mielde galget maiddái glásat molsojuvvot, ja vistti julggabealli maiddái čábbudahttot. Divodeami olis gártá leat oalle riedja ráđđevisttis, go snihkkárat fertejit sahát ja gaikut muvraseinniid jna. Rieja geažil sáhttá gártat nu ahte muhtun gielddabargiid ii fáhte muhtun áigodagaid. Mii doaivut ahte geavaheaddjit dohkkehit dán.