Language Language Language Visning: A A A A A
toppbilde

Plánabarggu álggaheami dieđáhus – gielddaplána areálaoasi ođđa árvvoštallan

Plána- ja huksehuslága § 11- 12 ektui dieđiha Deanu gielda ahte galgá álggahuvvot bargu ođđasit árvvoštallat gielddaplána areálaoasi. Plána- ja huksehuslága § 11- 13 mielde sáddejuvvo plánaprográmmaevttohus gulaskuddamii ja biddjo almmolaš geahčadeapmái mas áigemearri lea cuoŋománu 8. beaivve 2013.

Plánabarggu ulbmil lea almmustahttit gieldda areálageavaheami váldoosiid. Plánabargu galgá lassin bidjat rámmaid ja eavttuid dasa ahte makkár ođđa doaibmabijut ja ođđa areálageavaheamit sáhttet biddjot johtui, ja galgá maiddái čielggadit maid lea dehálaš váldit vuhtii areálageavaheami olis.

Plánenbargu galgá ee. láhčit dili viessohuksemii, astoáiggeviesuide, dása guoskevaččat árvvoštallat ahte leat go lavdnjegoađit seammá dásis go astoáiggeviesut, mearridit njuolggadusaid mat gusket huksemii mearra- ja deatnogáttiide, láhčit dili álbmotdearvvasvuhtii, valáštallan- ja olgodaddanulbmilat, veahkkin ovddidit ealáhusaid, mearridit minerálariggodagaid rámmaid ja gávdnat guovlluid gos gieđahallat ja vurkkodit ruskkaid, láhčit dili ođasmahtti energiijabuvttadeapmái, johtalusdorvvolašvuohta ja infrastruktuvra, kártet láttasajiid deatnogáttis ja váldit vuhtii dehálaš luonddu- ja eanadatárvvuid. Eambbo detáljat plánabarggu birra gávdnojit plánaprográmmaevttohusas.
Mearkkašumit plánaprográmmii fertejit lágiduvvot Deanu gildii čálalaččat ovdal cuoŋománu 8. beaivve 2013, breava dahje e-poastta bokte. Plánaprográmma lea maid fidnemis ráđđevisttis.
Eambbo dieđuid plánaprográmma birra oaččut jus válddát oktavuođa plánejeddjiin Frans Erikseniin, tlf 464 , frans.eriksen@tana.kommune.no