Language Language Language Visning: A A A A A
toppbilde

Detáljamuddenevttohus Fylkkageidnui 98 Idjavuonduottar Deanu gielddas lea biddjon almmolaš geahčadeapmái

Stáhta geaidnodoaimmahat lea hábmen muddenplánaevttohusa Fylkkageaidnu 98:i Idjavuonduoddaris Gáŋgaviikka gielddarájás Suolojávrri rádjai. Plánaevttohus lea almmolaš geahčadeamis ja gulaskuddamis áigodagas gaskkal juovlamánu 20. beaivve 2012 – guovvamánu 4. beaivve 2013. Lágiduvvo rabas diehtojuohkinčoahkkin muddenplána birra Deanu ráđđevisttis ođđajagimánu 10. beaivve tii. 18.00.
FV 98 Ifjordfjellet - ingress_200x132

Muddenplána galgá sihkkarastit areálaid geainnu divvumii oktan dárbbašlaš doaimmain guoskevaččat geaidnoravddaid goaivumii ja hábmemii, nu ahte muohta ii bisán geainnu ala biekkadettiin. Plána lea dárkil, muhto muhtun detáljjaid ferte ain čielggadit viidásat prošekteremis.

Jurdda lea ahte ođđa geaidnu čuovvu eanet unnit otná fylkkageainnu, muhto easttadan dihtii ahte muohta bisána geainnu ala, lea jurdda sirdit dan ođđa geainnu veahá muhtun gaskkaid. Stuorrajoga badjel huksejuvvo ođđa muvrašaldi sullii 30-40 mehtera vuolábeallái otná šalddi. Sihkkarastin dihtii ahte muohta ii bisán geainnu ala, huksejuvvo ođđa geaidnu ollu alladeabbon. Dasa lassin goivojuvvojit geaidnoravddat dan láhkai ahte gártá njoaiddu vielti ja govda gujit guktuid bealde geainnu. Dát dagahit oktiibuot ahte gártá goaivut ollu areála geainnu divodeami olis.
Bisánansadji fylkkageainnu 98 máttabealde Stuorrajoga oarjjabealde viiddiduvvo, vai dohko čáhket eambbo biillat dálvit. Dás vuolgá skohtermáđii nr 8, ja dáppe lea stuorra dárbu viiddis bisánansadjái gosa olbmot sáhttet guođđit biillaid, biilajorriid ja viessojorriid.
Muhtun sajiin gártá ođđa geaidnu mannat hui lahka jávrriid ja jogažiid. Lea dárbu muhttit veahá jogaid lunddolaš golgama, ja hábmet ođđa gáttiid dakko gokko dáid ferte lihkahallat. Doaibmabijut leat  dárkilit čilgejuvvon plánačilgehusas mii lea mielddusin, ja daid iešguđetge kárttain, vrd. viđjiid artihkkala loahpas.
Daid gaskkain gokko dat ođđa geaidnu ii čuovo otnáš geainnu, jávkaduvvo boares geaidnu ja buot huksehusat ja geaidnorusttegat maid jávkaduvvojit. Dasa lassin dulbejuvvo ja ođđasit gilvojuvvo dakko gokko lea dárbu, vai ođđa geaidnu bures heivehuvvo lundui das birrasis.
Doaibmabijut leat dárkilit čilgejuvvon mildosiin maid gávnnat dán artihkkala vuolágeahčen.