Language Language Language Visning: A A A A A
toppbilde

Buohkat geat ožžo ássandoarjaga golggotmánu ovddas ožžot dál breava Husbankenis. Breavas bivdet du vuolláičállit ovtta skovi, ja sáddet dan ruovttoluotta Husbankenii. Jus it sádde skovi ruovttoluotta, de Husbanken ii sáhte meannudit du ássan

Oaččut go ássandoarjaga? Dalle fertet sáddet ruovttoluotta skovi mii boahtá poasttas

Husbanken

Husbanken sáddii skábmamánu 21. beaivve breava mas lea vástidanskovvi 116 000 viesuide mat ožžo ássandoarjaga golggotmánus. Breava mielde čuovui ovddalgihtii máksojuvvon konfaluhtta. Husbanken bivdá ahte buohkat viesus, geat leat badjel 18 jagi, vuolláičállet skovi ja sáddejit dan ruovttoluotta ovdal juovlamánu 5. beaivve.

Go vuolláičálát, de mieđihat ahte Husbanken sáhttá viežžat, vurket ja geavahit persovdnadieđuid du birra. Jus it sádde vuolláičállon vástidanskovi, de ii sáhte Husbanken viežžat dieđuid ja geavahit du dahje earáid persovdnadieđuid geat orrubehtet seammá viesus. Dat mearkkaša ahte Husbanken ii sáhte gieđahallat du ássandoarjjaohcamuša ođđajagis 2013.
Manne fertet mieđihit?
Duogážin dasa ahte Husbanken dárbbaša ahte ássandoarjaga vuostáiváldit mieđihit, lea dat ođđa ássandoarjjaláhka mii biddjo fápmui ođđajagimánus 2013. Láhka nanne ássandoarjjaohcciid persovdnasuodjalusa, ja gáibida ahte buot ollesolbmot ovtta viesus mieđihit dasa ahte Husbanken gieđahallá persovdnadieđuid. Ohcanskovvi maid ovdal leat vuolláičállán ii ollašuhte dan ođđa lága gáibádusaid mii guoská mieđiheapmái. Danne sádde Husbanken dál dieđuid dan birra ahte mo persovdnadieđut gieđahallojit, ja bivdet seammás ahte vuostáiváldit mieđihit gieđahallamii.
 

Jus dus leat gažaldagat, de gávnnat eambbo dieđuid Husbankena neahttasiidduin (www.husbanken.no/bostøtte). Doppe oainnát maiddái maid sáhtát dahkat jus leat láhppán skovi dahje vástidankonfaluhta, dahje jus lea hui váttis fitnet vuolláičállaga buohkain muhtumiin viesus. Jus leat gažaldagat maidda it oaččo vástádusa, de sáhtát váldit oktavuođa Øysten Dervolain, tlf.nr. 46400231.