Language Language Language Visning: A A A A A
toppbilde

Deanu gielda bivdá ođđa geaidnonammaevttohusaid namahis geainnuide

Leat ain máŋga namahis geainnu Deanus. Gielda lea ovttas Stáhta geaidnodoaimmahagain geahčadan buot smávva geainnuid mat dárbbašit nama. Dát guoská 43 geidnui/ guovlluide Deanodagas gitta Leavvajohkii. Gielda bivdá servviid, organisašuvnnaid ja priváhtaolbmuin nammaevttohusaid dáidda geainnuide/ guovlluide ovdal juovlamánu 10. beaivve 2012. Lea dehálaš mearridit namaid dáidda geainnuide geahpedan dihtii poastavuddjiid, heahteveahki ja gálvovuddjiid barggu. Lea gielda guhte mearrida namaid gieldda geainnuide.

Gielddastivra lea 12.02.2009 mearridan čuovvovaš eavttuid ođđa, almmolaš namaid mearrideapmái

a)      Mearriduvvo dušše okta namma buot geainnuide gielddas. Namma galgá čállot ovtta dain gielan mii geavahuvvo dan guovllus.
á)    Váldonjuolggadussan lea ahte berre geavahit dan nama mii gávdno dan guovllus, dahje ovtta
        variántta dán namas.
b)      Jus guovllus ii gávdno namma maid sáhttá geavahit, de berre guovlu oažžut nama luondduhámi/elemeanttaid, luonddufenomena, šattuid dahje elliid vuođul mat leat dan guovllus.
c)       Doppe gos lea fitnodat, ásahus, funkšuvdna dahje mii nu eará geaidnoguoras, mii lea addán nama dan guvlui ja maid olbmot leat geavahišgoahtán, sáhttá leat vuođđun geaidnonammii (omd. Skuvlageaidnu/ skoleveien).
č)    Báikkit/geainnut berrejit dušše oažžut nama olbmuid maŋis geat leat bargan mearkkašahtti buori barggu ja duođai ánssášit dákkár gutni.
d)   Báikkiide/ geainnuide ii sáhte addit nama olbmuid maŋis geat ain leat eallimin.
đ)   Doppe gos lea vejolaš, berre garvit “geaidnu” dahje “vei” namas, vai lea eambbo variašuvdna namaid bidjamis.
Geainnuide/ guovlluide mat leat viđjjiin dás vuolábealde Deanu gielda bivdá nammaevttohusaid mat čuvvot daid eavttuid maid gielddastivra lea mearridan. Nammaevttohusaid galgá sáddet čálalaččat Deanu gildii, ovdánahttinossodahkii, 9845 DEATNU, dahje e-poastta bokte čujuhussii postmottak@tana.kommune.no.