Language Language Language Visning: A A A A A
toppbilde

Gumppebiedju - Ingjerd Hansen Juvika čájáhus Birasvisttis golggotmánu 20. – 28. b.

Kunst i Nord-Norge ávvuda 35-jagi ávvudeami buvttademiin GUMPPEBIEDJU – mii lea sárgojuvvon govaid čájáhus. Dáiddár lea Ingjerd Hansen Juvik. Johttičájáhusa lea Rana Kunstforening vuolggahan, ja čájáhus lea gávpečájáhus.

Dáiddára birra

Čájáhusa namma GUMPPEBIEDJU lea ožžon namas Oscar Braatena girjjis mas lea seammá namma. Mánnávuođa rájes lea sárgun leamaš sierra máilbmin Hansen Juvikii, nammalassii bákteráigi dahje čiehkádansadji gos lea oadjebasvuohta. Dát boahtá ovdan go govva rámmejuvvo ja biddjo čájáhussii – dalle čiehkádanbáiki ihtá!
Dáiddár lea ássan Argentinas 1997 rájes, muhto lea riegádan ja bajásšaddan Sildpollenis Lofotenis. Hansen Juvik lea sihke dáiddár ja girječálli. Son álggahii oahpustis Kabelvåga Dáiddaskuvllas ja maŋŋá jotkkii Vestlandske kunstakademias Bergenis. Ingjerd Hansen Juvika dáidda lea gávdnamis sihke iežas ja earáid girjjiin govvosiid bokte. Dáid maŋimuš jagiid son lea bargan eanáš stuorra tevnnegiiguin, main eaŋkilis, abstrákta, inteansa hámit leat guovddážis. Son geavaha ollu grafihkkaliánttaid, ja gieđahallá daid sihkkungummen maŋŋá, vai tevnnegiidda šaddá metállalaš hápmi. Eará dáidagiiguin son bargá motiivvaiguin mas detáljalaš mihtilmasvuohta lea vuođđun.