Language Language Language Visning: A A A A A
toppbilde

Rabas gulaskuddan - skohterláhttu Skiippaguras

Arctic Trail III nammasaš prošeavtta olis lea Finnmárkku fylkkamánni čoahkkimiin Unjárgga ja Deanu gielddain buorre muddui mieđihan ahte sáhttá dohkkehit skohterláhtu mii čatná oktii Unjárgga ja Deanu skohterláhtuid. Eaktun lea ahte láhttu ásahuvvo Skiippagurrii dakko gokko lea oaneheamos gaska deanu ala dán guovtti gieldda gaskka.

Máŋga iešguđetge saji leat árvvoštallon, sihke Biras-, eanadoallo- ja meahcástanlávdegottis ja (BEM) gielddastivrras, ja sihke lávdegoddi ja gielda mearrideigga Skiippagura molssaeavttu.
Plánejuvvon skohterláhttu Skiippaguras čilgejuvvon:
·         Skohterláhttu manná bajás deanus geaidnoráigge Berit ja Dagfinn Jensena opmodaga buohta, ja sudno opmodagaid 37/177 ja 37/48 rastá. Das viidáseabbo rastá Skiippagurjoga gieldda opmodahkii 37/73 (buhtistanrusttega buohta) ja čuovvula gielddalaš geainnu das bajás fylkkageidnui 895 (Buolbmátgeaidnu). Das fas rastá geainnu ja bajás gieldda opmodaga mielde Skiippagurageidnui. Das manná luoddaravdda mielde gieldda opmodagas 37/120 rastá Skiippagurgeainnu gieldda opmodahkii 37/136 (Sivilforsvaret vuorká). Das fas viidásat gieldda opmodahkii 37/55 ja dán rastá nuorttas gitta dan báikái gosa leat ohcan ásahit skohterláhtu. Dát báiki lea nuppebealde geainnu Skiippagura bartasaji geaidnoearu, nammalassii dat boares geaidnu, mii manná Sáttovári ala gielddarádjái.
 
Dát skohterláhttu eaktuda ahte Skiippagurageidnui ráhkaduvvo geaidnoravda, gokko skohteriiguin galget vuodjit birrasii 80 mehtera, nu ahte skohterat eai dárbbaš vuodjit geaidnoráigge.
Kártta, mii čájeha gokko skohterláhttu galgá mannat, gávdnabehtet dás: Kart+over+tras%C3%A8+Skiippagurra.pdf.
Áigemearri buktit cealkámušaid dán áššái lea 24.10.12, ja dat fertejit leat joavdan gildii maŋimustá tii. 12:00 dan beaivve.