Language Language Language Visning: A A A A A
toppbilde

Almmolaš gažadanboddu gielddastivračoahkkima olis čakčamánu 20. beaivve

Áigemearri buktit gažaldaga lea čakčamánu 20. beaivve tii. 12:00.

Gieldda ássiin leat vejolašvuođat buktit gažaldagaid almmolaš gažadanboddui gielddastivrračoahkkima olis čakčamánu 20. beaivve.

 

a) Justa ovdal go gielddastivračoahkkin álggahuvvo, čađahuvvo 30 minuhta almmolaš gažadanboddu čoahkkinlanjas. Dát ii guoskka čoahkkimiidda gos gielddastivra gieđahallá bušeahta/ ekonomiijaplána, dahje erenomáščoahkkimiidda.

á) Gažadanboddu loahpahuvvo go dábálaš gielddastivračoahkkin álggahuvvo almmuhuvvon áigái.

b) Gažaldat galgá leat geigejuvvon čálalaččat sátnejođiheaddjái
 
frank.martin.ingila@tana.kommune, postmottak@tana.kommune.nodahje Deanu gielda, Rådhusveien 3, 9845 Deatnu, ovdal tii. 12.00 guokte beaivve ovdal čoahkkinbeaivvi. Son guhte lea buktán gažaldaga galgá ieš ovdanbuktit gažaldaga gažadanbottus.

c) Juohkehaš guhte ássá gielddas, earret gielddastivralahtut, sáhttet buktit gažaldaga sátnejođiheaddjái (sátnejođiheaddji bokte), gielddastivrii, dahje ovtta gielddastivralahttui. Gažaldagat gielddastivralahtuin muddejuvvojit gielddastivrra § 23 njuolggadusain. Jus gažaldat njulgejuvvo gielddastivrii, de mearrida sátnejođiheaddji gii galgá vástidit gažaldaga. Jus gažaldat jerro eaŋkilis lahtus, de galgá sátnejođiheaddji ovdanbuktit gažaldaga lahttui unnimusat guokte beaivve ovdal čoahkkima.

č) Gažaldagat galget leat oanehaččat, ja galget guoskat gielddalaš dilálašvuođaide. Gažaldagat, maidda ii sáhte vástidit seđolaččat, maŋiduvvojit boahtte gielddastivračoahkkimii.

d) Gažaldagat galget leat oanehaččat, ja daid galgá sáhttit jearrat 3 minuhtas. Vástádus maid galgá addot 3 minuhtas. Dása lassin sáhttá sátnejođiheaddji addit vejolašvuođa replihkaide.

đ) Sátnejođiheaddji sáhttá hilgut gažaldagaid:
- jus gažaldagain fallehit ássiid
- mat sisttisdollet čiegus dieđuid
- mat berrejit njulgejuvvot gielddalaš hálddahussii
- mat leat jerrojuvvon seammá láhkai dahje sullii seammá láhkai dan maŋimuš 6 mánus

e) Gažadanboddui geavahuvvo maŋimuš 3 mánu ovdal gielddaválggaid.

f) Jus čuožžila eahpesihkkarvuohta dáid njuolggadusaid áddejumi ektui, de lea sátnejođiheaddjis loahpalaš mearridanváldi. Jus muhtun gielddastivralahttu ii leat ovttaoaivil sátnejođiheaddji mearrádusain, de sáhttá son maŋŋá gažadanbottu gáibidit ahte gažaldat meannuduvvo ođđasit boahtte čoahkkimis mas lea almmolaš gažadanboddu.

g) Son guhte ovdanbuktá gažaldaga almmolaš gažadanbottus, ii sáhte gáibidit ahte gažaldat biddjo sierra áššin čuovvovaš čoahkkimis.

 

Dás čuvvot njuolggadusat almmolaš gažadanboddui gielddastivrra dábálaš čoahkkimiidda Deanu gielddas: