Language Language Language Visning: A A A A A
toppbilde

Iris Egilsdatter doallá sierra čájáhusa

Fápmu ja seksualitehta

Dokumentáralaš portreahttagovven kievrras sámi nissoniin Galleri Martinas.
Iris Egilsdatter lea guorahallan sámi nissoniid siskkit fámuid, seksualitehta ja ruovttu. Son lea ohcan dan siskkimuš lanjas, doppe gosa lea váddáseamos beassat.
Prošeavtta bokte son lea oahppan hui ollu nissoniid birra, muhto maiddái iežas birra. Oktavuođas nissoniiguin, son lea maiddái nannen iežas sámi identitehta. Buresboahtin čájáhusa rahpamii bearjadaga čakčamánu 7. beaivve tii. 18:00 Galleri Martinii Deanu birasvisttis.
Iris Egilsdatter collage

 

 

Fápmu ja seksualitehta álggahuvvui skuvlaprošeaktan maid Iris Egilsdatter ráhkkanahtii loahppačájáhussan skuvllas. Prošeakta oaččui ollu fuomášumi median ja sosiála mediain. Ii lean dušše prošeavtta dehálašvuohta mii divaštallui, muhto maiddái Egilsdattera autenttalaš govvahápmi oaččui sihke positiiva ja negatiiva kritihka.

Iris hálida dákko bokte dáinna prošeavttain vuosttaldit dan issoras seksapreassa ja seksualiserema mii nuoraide dán áigge čuohcá. Son hálida danin vuosttaldit dán badjelmearálaš pornográfalaš beaivválaš dili, ja son hálida čájehit dan dábálaš nissonolbmo, nu mo dat lea, almmá šlietnjasiin.
Iris hálida addit olbmuide debáhta, son hálida ahte indiviida galgá hábmet iežas seksuálalaš árvvu. Sutnje lea dehálaš dat ahte olbmot galget ráddjet iežas seksualitehta.
Mun hálidan čájehit nissonolbmo kievran, iešheanalažžan, muhto maiddái seammás oaččálažžan.
Irisa áddejumi mielde sámi nissonat vásihit ahte sin vurdet leat kievran, muhto kánske eai seksuálalažžan. Son hálida čájehit nissonolbmo nu mo sii leat, kievran ja seksuálalažžan.

 

Iris Egilsdatter lea 33 jahkásaš dáruiduvvon sámi nisu Vuotnabađas eret, guhte 2012 giđa loahpahii fotográfaoahpus Bilder Nordic School of Photography Oslos. Egilsdatter čalmmustahtii iežas jo studeantan dakko bokte ahte politihkalaččat ja servodatáŋgiruššamiin ovdanbuvttii iežas prošeavttaid. Dávjá son geavaha hárdálas ovdanbuktinvuogi čalmmustahttin dihtii vearrivuođa dainna doaivagiin ahte nagodivččii dagahit rievdadusaid.