Language Language Language Visning: A A A A A
toppbilde

Ođđa láhkaásahus ja divatregulatiiva čáhce- ja golggiidusdivvagiidda 1/1-2011 rájes

Juovlamánu 15. beaivve gielddastivra mearridii ođđa láhkaásahusa ja ođđa divatregulatiivva mii gustogoahtá ođđajagimánu 1. beaivve rájes 2011.
Láhkaásahusa deháleamos rievdadusat leat:
  • Geavahanareála (GEA) geavaheami meroštallama olis mearriduvvo dál divatregulatiivvas.

  • Ealáhusopmodagat ja almmolaš doaimmat main ii leat čáhcemihttár, galget dál máksit geavahanareála vuođul čuovvovaš formela mielde: Geavahanareála x 1,2 x ovttadathaddi juohke m3:s.
  • Astoáiggeviesuin main ii leat čáhcemihttár, galgá geavaheapmi dál mearriduvvot seammá láhkai go viesuin.
  • Divvagat eai geahpeduvvo šat viesuin gos olbmot eai oro badjel jahkebealis.

Kommentára:

Rievdadusat láhkaásahusain mielddisbuktet ahte sáhttá gánnihit bijahit čáhcemihttára vissui, jus ii geavahuvvo nu ollu čáhci go mii lea rehkenaston vuođustussan viesuide. Dát guoská erenomážit viesuide main lea stuorra geavahanareála čáhcegeavaheami ektui.

Deháleamos rievdadusat divatregulatiivva mearrádusain leat:  

  • Seammá tiŋgondivat viesuin beroškeahttá man stuoris viessu lea.
  • Viesuin main leat eanet go njeallje ássanovttadaga, mákset tiŋgondivvaga juohke ássanovttadaga nammii.
  • Meroštallon geavaheami areálavuođđun biddjo geavahanareála mii lea rehkenaston opmodatvearu vuođul. Jus areála ii leat rehkenastojuvvon opmodatvearu vuođul, de galgá geavahaareála mii lea matrihkkalis biddjot vuođđun.
 Bearašdáluid ja astoáiggeviesuid geavaheami meroštallama areálavuođustus
 
 
Geav.areála m2
Divatvuođustus
m2
0-119
Registrerejuvvon geavahanareála
120-139
125
140-159
142
160-179
157
180-199
170
200-249
181
250 -
190
 
Viesuin main leat eambbo go njeallje ássanovttadaga:
Dát viesut mákset čáhce- ja golggiidusdivvaga juohke ássanovttadaga geavahanareála vuođul.