Language Language Language Visning: A A A A A
toppbilde

Lišmmajoga mássavieččahaga muddendieđáhus

Mesta Stein AS lea dál álggahan barggu ráhkadit muddenplána Lišmmajoga mássavieččahaga viiddideapmái. Plánaguovlu sisdoallá otnáš vieččahaga ja viiddideami davás-oarjjás guvlui.
Lismmajohka+planavgrensing_200x279

Plána ráhkaduvvo detáljamuddejupmin. Dieđáhus lea almmuhuvvon báikkálaš áviissain Finnmarkenis ja Ságahis, gaskavahko 22.12.2010. Doaibmabidju lea veardiduvvon čuozahusčielggadeami láhkaásahusa ektui, ja fátmmastuvvo maiddái dán láhkaásahusas. Plánaprográmma evttohus lea gulaskuddamis áigodagas 22.12.2010 - 09.02.2011.

Deanu gieldda 2002 - 13 gielddaplána areálaoasis lea otnáš mássaviežžahat biddjon mássaviežžahahkan, ja guovlu mii guoskkahuvvo viiddideamis lea biddjon eanadoallo- luonddu- ja olgonastindoaimmaide (ELO). Mesta Stein AS lea bivdán Rambøll Norge AS ráhkadit muddenplána.
 
Cealkámušat/mearkkašumit plánabargui ja plánaprográmmii sáddejuvvojit Rambøll Norge AS:ii, Kongleveien 45, 9510 ALTA, ja kopiija Deanu gildii Rådhusveien 3, 9845 TANA. Áigemearri buktit cealkámuša/ mearkkašumiid plánabargui ja plánaprográmmii lea gaskavahku guovvamánu 9. beaivve 2011.
 
Gollosis vuolábealde lea evttohus plánaprográmmii.