Language Language Language Visning: A A A A A
toppbilde

Huksenáigodat 2011; na dat lahkonišgođii

Jus áiggut hukset maidige boahtte geasi, de lea dál áigi plánegoahtit huksema. Jus háliidat ahte huksehus galgá leat geargan buori áiggis ovdal dálvvi, de it berre vuordit ráhkkaneames huksenášši.
Huksehus galgá plánejuvvot ja tevdnejuvvot. Ohcamuš ferte sáddejuvvot gildii, ja gielda galgá maid geargat meannudit ohcamuša ovdal go sáhtát huksegoahtit. Buot mii galgá dahkkot huksenáššiid oktavuođas, váldá dávjá olu guhkit áiggi go olmmoš lea rehkenastán.
 
Ferte maid muitit ahte gielda ádjána meannudit huksenáššiid. Dábálaš áššemeannudanáigi lea gaskkal 4 ja 12 vahku (1 -3 mánu). Jus áiggut leat sihkkar ahte ohcamuš meannuduvvo ovdal geasseluomu, de fertet sáddet ohcamuša  gildii ovdal njukčamánu. Deanu gielddas lea dál dušše okta huksenáššemeannudeaddji.
 
Dárbbašat go viessosaji?
 
Jus hálidat viessosaji muddejuvvon ásodatbáikkis, de sáhtát dušše sáddestit ohcamuša gildii. Jus hálidat viessosaji eará sajis, de fertet dábálaččat sáddet ohcamuša FefO bokte (Finnmárkkuopmodat). Listtu rabas viessosajiin gávnnat viđjjis vuolimusas dán siiddus.
 
Maid áiggut hukset? 
Jus áiggut hukset viesu, de fertet gávdnat fitnodaga mii sádde ohcama du ovddas. Otne lea dušše smávit huksehusat maid ieš sáhtát hukset, muhto dalle maid fertet oažžut lobi gielddas ovdal go huksegoađát.
1)      Smávit huksehusat maid sáhtát ieš hukset:
Dát gohčoduvvo “doaibmabidjolobiohcan ovddasvástádusrievtti haga” ja dat lea čilgejuvvon lagabui plána- ja huksehuslága § 20-2.
Dákkár ohcamat gusket doaibmabijuide nu go:
-          Smávit huksehusaide opmodagaide gos lea ovdal jo huksejuvvon( dábálaččat unnit go 50 m²).
-          Dábálaš doaibmavisti eanadoalus (unnit go 1000 m²).
-          Gaskaboddosaš huksehusat, konstrukšuvnnat dahje rusttegat mat leat namuhuvvon § 20-1, vuosttaš lađas j bustávva, ja mii ii galgga ceaggát eará go 2 jagi.
-          Eará smávit doaibmabijut maid gielda oaivvilda ahte ohcci sáhttá ieš jođihit.
 
2)      Doaibmabijut mat gáibidit ovddasvástideaddji ohcci:
Dá leat doaibmabijut  mat gáibidit ohcamušaid, ja leat čilgejuvvon lagabui plána- ja huksehuslága § 20-1.
Jus leat eahpesihkkar goappá čuoggái du huksenášši guoská, de ávžžuhat du váldit oktavuođa gielddain dahje fitnodagain mii sáhttá veahkehit du huksenáššiinat.
Jus eará ii boađe ovdan §§ 20-3 og 20-4, de ii galgga doaibmabidju eatnamii, čázádahkii dahje mearraguovlluide biddjot johtui ovdal go ohcamuš, dahje sierralobiohcamuš lea ovddalgihtii sáddejuvvon gildii ja lohpi lea addon.
Deanu gielda sáhttá ođđajagimánu rájes 2011 váldit vuostá elektrovnnalaš huksenohcamušaid. Jus galggat sáhttit geavahit dán, de fertet háhkat alccesat geavaheaddjinama ja čoavddasáni BE.no bokte (huksenteknalaš etáhta).

Viđji: http://www.byggsok.no                 Viđji: http://www.be.no/beweb/regler/regeltop.html

Viđji rabas viessosajiide: http://www.tana.kommune.no/ledige-tomter-og-naeringsarealer-i-tana.4533259-74379.html