Language Language Language Visning: A A A A A
toppbilde

Ealgamáddodat Deanus galgá geahpeduvvot boahtte 4-jagiáigodagas

Finnmárkkuopmodaga ealgamáddodatplána Finnmárkkus gusto gitta 2010 lohppii, ja dát plána galgá dál ođasmahttot. Boahtte plánaáigodagas (2011-2014) lea Deanu fuođđolávdegoddi mearridan geahpedit ealgamáddodaga dan ektui mii leamaš 2010:s. Galget báhččot eambbo ealggat nu ahte máddodat dásseduvvo dan dássái mii lei referánsajagis 2002:s.

 

Duogážin mearrádussii lea ahte misiid, varihiid ja vuotnjaliid njuovvandeaddu lea vuollegaš, ja lea njiedjan daid maŋimuš 10 jagi. Eará servodatlaš bealit leat maid deattuhuvvon, nu mo dat ahte man galle ealgga leat vuddjon ja ahte meahcci lea billašuvvan.
Ealgabivddu báhčinearit boahtte 4-jagiáigodagas galget mearriduvvot fuođđolávdegotti mihttomeriid vuođul mat dál leat mearriduvvon.
Dát dahkko proseassa bokte Finnmárkkuopmodaga (FeFo) Deanu – Várjjatmáddodaga máddodatplánajoavkkus, gos gieldda áirasat ja báikkálaš bivdiidsearvvit deaivvadit. Dáid deaivvademiid vuođul ovddida FeFo ođđa máddodatplánaevttohusa ovdal njukčamánu 2011. Dán evttohusa galget de áššái guoski gielddat meannudit. Máddodatplána vuođul galget de gielddat addit FeFoi báhčinlobi boahttevaš 4 jahkái.  
Jus háliidat geahččat dárkileabbot veardideami ja ulbmiliid listtu – geahča áššeevttohusa ja čoahkkinbeavdegirjji mat leat mielddusin.