Language Language Language Visning: A A A A A
toppbilde

Smávimus fitnodagat luvvejuvvojit dárkkástusgeatnegasvuođas

Sátnejođiheaddji mielas ráđđehus lea addán buori juovlaskeaŋkka ealáhusaide Deanus dakko bokte go leat evttohan luvvet daid smávimus fitnodagaid dárkkástusgeatnegasvuođas.
Ordfører Frank Ingilæ

Máŋga iehčanas ealáhusdoalli geavahit ollu áiggi ja ruđa, ja rahčet deavdimiin ollu skoviid. Ráđđehus álkida dál dili smávit fitnodagaide, go evttoha jávkadit dárkkástusgeatnegasvuođa dain smávimus fitnodagain. Evttohus mielddisbuktá ahte oasussearvvit mat ollašuhttet golbma čuovvovaš eavttu; doaibmaboahtu vuollái 5 miljovnna kruvnnu, dássádatsupmi vuollái 20 miljovnna kruvnnu ja gaskamearálaččat eai eambbo bargit mat oktiibuot čađahit 10 jahkedoaimma, ožžot vejolašvuođa hilgut jahkerehketdoalu dárkkástusa.

Deanus mis leat birrasii 50 oasussearvvi masa dát guoská. Dát fitnodagat Deanus sáhttet oktiibuot seastit sullii 1 miljovnna kruvnnu jahkásaččat. Dát lea hui positiiva ášši mii veahkeha buoridit smávva fitnodagaid eavttuid.
Sávan buori beaivvi!

regjeringen.no
Smávva oasussearvvit luvvejuvvojit dárkkástusgeatnegasvuođas