Language Language Language Visning: A A A A A
toppbilde

Dikšo- ja fuollasuorggi hámádat ja bálvalusat guorahallojit

Deanu gielda lea tiŋgon ođđa ja dárkilis analiissa dikšo- ja fuollasuorggis. Bargu, maid konsuleantalágádus Resursaguovddáš gielddaid ođasmahttimii RO (Ressurssenter for omstilling i kommunene) čađahii, loahpahuvvui guovtti beaivásaš seminárain Deanus. Birrasii 20-25 oasseváldi politihkalaš bellodagain, hálddahuslaš ja fágalaš jođiheaddjit, luohttámušolbmot ja maiddái lahtut boarrásiidráđis ja ealáhatsearvvis guorahalle ovdanbukton dokumeanttašuvnna dárkilit, ja leat buktán čielga ovttajienalaš ávžžuhusaid daidda geat galget dahkat mearrádusaid.

Analiisa govvida olmmošlogu ovdáneami ja makkár agiin olbmot leat boahtte 20 jagi, ja dat čájehuvvo ahte sáhttet šaddat stuorra hástalusat bálvalusaid ektui. Boarrásiid lohku, geat leat badjel 80 jagi, lea áigodagas gaskkal 2005 gitta 2010 rádjai lassánan ovcciin olbmuin, ja daid boahttevaš viđa jagis (2015) lassáneapmi gártá leat 15:in olbmuin. Statistihkka Statistihklaš guovddášdoaimmahagas čájeha ahte 2030:s mis leat 100 eambbo ássi, geat leat badjel 80 jagi, go otne. Dát dáhpáhuvvá seammás go bargiidjoavkku (olbmot gaskkal 20-66 jagi) lohku njiedjá 350.in olbmuin.

Meroštallamat maid analiisa čájeha, gártet mielddisbuktit stuorra hástalusaid oččodeames divššáriid gildii. Buot oasseváldit bargosemináras, mii lágiduvvui skábmamánu 29. ja 30. beaivve 2010, leat gávnnahan ahte resursat dáid surggiin fertejit geavahuvvot dan láhkai ahte bálvalusat šaddet nu beaktilin go vejolačča. Dát mearkkaša ahte ferte nannosit čavget návccaid ruovttuvuođđuduvvon bálvalusain nu go ruovttubuohccedikšumis, ruovttuveahkis ja beaiveguovddášbálvalusas. Dás fertejit bálvalusat nannejuvvot olles gielddas. Gieldda ássanbálvalus, mas lea ollesjándora dikšu (buhcciidruoktu, fuollaásodagat, rehabiliteren, dudden j.ea.) ferte huksejuvvot Deanušaldái. Dán láhkai sáhttá buoremusat ávkkástallat fágaresurssain mat leat gávdnamis.
Bargoseminára muittuhii maid daid stuorra rievdadusaid mat šaddet dáhpáhuvvut dearvvasvuođa- ja fuollasuorggis Ovttasdoaibmaođastusa geažil. Evttohusat mat sohppojedje váldet maid vuhtii huksendárbbuid maid dát ođastus mielddisbuktá. 
Arbeidsseminaret pekte også på den store endringen innen helse- og omsorgssektoren som vil komme med Samhandlingsreformen.  De forslag som en her var enige om tar også høyde for de bygningsmessige behov som denne reformen vil gi.
RO’ analiisa biddjo mielddusin oktan presentašuvnnain mii čájehuvvui semináras. Seminára ovttajienalaš konklušuvnnat bálvalusfálaldagaid birra, leat maid mielddusin.