Language Language Language Visning: A A A A A
toppbilde

Teoriija fágageahččaleapmái Dearvvasvuođafágabargi ja Mánáid- ja nuoraidfágabargi

Teoriijakursa Mánáid- ja nuoraidbargifágii ja Dearvvasvuođabargifágii álggahuvvo dalán maŋŋá juovllaid Deanu oahppoguovddážis. Dát fálaldagat bohet Rogaland Kursa ja Gealboguovddážis/ Rogaland Kurs og Kompetansesenter (RKK) ja lágiduvvojit Studiesenteret.no bokte. Ohcanáigemearri goappašat kurssaide lea ođđajagimánu 5. beaivve.

Oahppit sáhttet čađahit kurssaid iežaset báikkálaš oahppoguovddážiin, ja mearridit ieža man johtilit hálidit čađahit kurssa. Goappašat kurssat leat jurddašuvvon erenomážit olllesolbmuide, áinnas bargiide geain ii leat fágalaš oahppu, muhto lea miella váldit fágabreava. Oahppit ožžot oahpu dieđiheames iežaset teoriijaeksamenii, maid fertejit ceavzit ovdal go besset váldit fágageahččaleami. Eksamena sáhttá váldit juovlamánus dahje geassemánus. 

Mánáid- ja nuoraidbargifágas leat deaivvadeamit maŋŋágaskabeivviid vuossárggaid. Dearvvasvuođabargifágas fas leat deaivvadeamit beaivit duorastagaid. Deaivvademiin deaivvadit eará ohppiiguin ja oahpaheaddjiin.  

barne og ungdomweb
 
 
 
Govva: Dá leat muhtun daid ohppiin geat leat oassálastán Dearvvasvuođabargifágas maid RKK lea lágidan. Dá lea Raumas 2009:s, ja sii leat (ovddabealde olgešravddas) Inger Helen Rydjord, Hilde Myrvåg ja Mette Samset. Maŋábealde gurut ravddas fas Elin Brandsæter, Synnøve Reistad Talberg ja Marie Pedersen.
 
 
Studiesenteret.no's leamaš dát fálaldat RKK:s 2009 rájes, ja lea ožžon ollu rámi. 44 olbmo leat oassálastán Mánáid ja nuoraidbargifágas, main 14:s leat váldán oahpu Deanu oahppoguovddáža bokte, ja 40 oahppi leat čađahan Dearvvasvuođabargifága, main 8:s leat eret Deanus.
 
Dieđuid Dearvvasvuođabargifága birra gávnnat dás.
Dieđuid Mánáid- ja nuoraidbargifága birra gávnnat dás.