Language Language Language Visning: A A A A A
toppbilde

Ráđđealbmá 2011’ bušeahttaevttohus ja 2011 – 2014 ekonomiijaplána

Bušeahtta ja ekonomiijaplána mii dál lágiduvvo politihkalaš meannudeapmái lea čavgat. Muhto lea liikká munni investeremiidda dikšo- ja fuollasuorggis hámádatrievdadeami olis.

Doaimmaid bušeahtat leat máŋga jagi jo meroštallon hui birzzehit. Dát mielddisbuktá ahte lea stuorra vejolašvuohta ahte muhtun doaimmaide gártet hástalusat maid eai nagot čoavdit mearriduvvon ekonomalaš rámmaid siskkobealde.
Ekonomiijaplánaáigodagas lea rehkenaston ahte galgá geavahuvvot 1,5 miljovnna unnit ruhta. Ráđđealmmái oaivvilda ahte lea váddásat olahit dán (unnit geavaheami) jus ii čađat viidát hámádatrievdadeami. Nubbi molssaeaktu lea loktet opmodatvearu buhtadan dihtii doaibmagoluid mat leat lassánan.
Salderendárbu lea oaidnit ná:
 
2011
2012
2013
2014
Čuozahusmuddejuvvon bušeahtta
5,8 mill
7,3 mill
7,4 mill
7,4 mill
Unnit geavaheapmi (badjebáza)
1,5 mill
1,5 mill
1,5 mill
1,5 mill
Salderendárbu
7,3 mill
8,8 mill
8,9 mill
8,9 mill

 

Ráđđealmmái veardida dili dan láhkai ahte lea dehálaš ahte gielddastivra dahká mearrádusa, jo bušeahttameannudeamis juovlamánus 2010, mii duohtadilis njeaidá doaibmadási dohkálaš ekonomalaš dássái. Leat guokte váldovuogi mat sáhttet doaibmat; sáhttá geahpedit bargguid mat eai leat geatnegahtton lága bokte, dahje sáhttá rievdadit bálvalushámádaga. Hálddahusa bealis livččii álki válljet, go dat buoremus livččii geahpedit doaimmaid dikšo- ja fuollasuorggis dahje skuvllain. Hálddahus oaivvilda ahte bálvalusaid kvalitehta bisuhuvvo buoremusat ja ovdána eanemus go eai leat nu máŋga smávva, muhto moadde stuorát ásahusa.

 

 

Lea sávahahtti rehkenastit bušehttii unnit geavaheami (“badjebáhcaga”) sullii 1,5 – 3 miljovnna kruvnnu, nu ahte lea sierra veahá ruhta jus bohtet olggosgolut/dáhpáhusat jagi mielde maid eat leat vuordán.