Language Language Language Visning: A A A A A
toppbilde

Álbmotčoahkkin gielddaoasseplána birra mii guoská guovddášguovlluide Luovttejohka - Deanušaldi - Skiippagurra

Gaskavahko skábmamánu 17. beaivve. tii. 18 - 20 Deanu ráđđevisttis, gielddastivralanjas.

Evttohus plánaprográmmii sáddejuvvui gulaskuddamii 25.10. Ulbmil álbmotčoahkkimiin lea juohkit dieđuid plánaprográmma ja viidásat plánaproseassa birra. Seammás bivdá gielda evttohusaid plánabargui, ja vuosttažettiin dasa ahte makkár čuozahusguorahallamat fertejit čađahuvvot. Lea maid vejolaš buktit konkrehta evttohusaid areálageavaheapmái plánaguovllus, ja ovdanbuktit oainnuidis evttohussii mii dál lea biddjon gulaskuddamii. Áigemearri cuiggodit plánaprográmma lea 06.12.2010.

Ovddit plánaproseassa
Plánaproseassa álggahuvvui čakčat 2004, ja áigodagas suoidnemánus borgemánnui 2006 lei okta plánaevttohus ovddalgihtiigulaskuddamis. Dát plánaevttohus ovttas evttohusaiguin mat bohte ovddalgihtiigulaskuddamis, leat vuođđun viidásat bargui ođđa plánaevttohusain mii biddjo almmolaš dárkkisteapmái. Ođasmahttojuvvon plánačilgehusa sáhtát geahččat gollosis vuollelis.
 
Dehálaš fáttát
Dehelaš fáttát plánenbarggus leat ássanguovllut, industriijaguovllut, gávpe- ja kontorareálat, mássavieččahagat, astoáigeviesut, vázzin- ja sihkkelastingeainnut, valáštallanareálat ja ruonasstruktuvra. Plánaáššiid bistevaš lávdegoddi mearridii čuovvovaš mihttomeriid oasseplánabargui čoahkkimisttis 15.06.2006:    
 
"Deanu gielda hálida oasseplána bokte:
1)      Sihkkarastit daid dehálaš ja beakkán meahcástallanareálaid luonddu-ja olgonastinguovlun guovddášguovlluin, sihke gáhtten dihtii biologalaš hivvodaga ja láhčin dihtii buriid vejolašvuođaid olgonastimii.  
2)      Sihkkarastit huksekeahtes guovllu Deanušalddi nuorttabealde, váldin dihtii vuhtii Sieiddaguoikka ja Deanušalddi luonddu olgonastinárvvuid.   
3)      Plánalaččáat sihkkarastit beaktilis areála- ja resuršaávkkástallama guovddášguovlluin      
4)      Gáhttet kulturmuittuid ja kulturbirrasa guovdášguovlluin   
5)      Láhčit dili huksemii guovddášguovlluide dan láhkai ahte váldá vuhtii vázzi ja sihkkelasti johtaleddjiide, geahpedit biilageavahandárbbu ja areálaid golahusa.
6)      Láhčit dili huksemii mii váldá vuhtii luonddu.
7)      Sihkkarastit ahte buohkain lea vejolašvuohta beassat deatnogáddái gaskkal Deanušalddi ja Skiippagura.
8)      Láhčit dili nu ahte sáhttá čatnat oktii ássanguovllu ja čuovgaláhtu, mas lea láhttu/bálggis deatnogáddái, mii lea rabas birra jagi.
9)      Láhčit dili bartahuksemii guovlluin lahka guovddáža. Dat ii galgga gártat báikkiolbmuid beroštumiid ovdii."
 
Gollosiiguin vuollelis gávnnat evttohusa plánaprográmmii, ja maiddái dan ođasmahttojuvvon plánačilgehusa.