Hålogaland teáhter čájeha čájálmasa min birra

Čájálmas vulggii das go girječálli Mikkel Bugge ja rešissevra Nina Wester jođiiga miehtá Finnmárkku rittu ja Davvi-oarje Ruoššas ja jearahalaige olbmuid. Gažaldagin lei vuolggasadji olbmuid viesuin. "Mii lea dat vuosttas mii čuohcá čalbmái go boađát sisa?", "Muital dan beaivvi birra go ledje čoahkkanan eanemus olbmot vissuidat", Maid leat niegadan dán viesus?", muital ovtta dáhpáhusa birra maid hálidivččet vajálduhttit" jna. 20 gažaldaga gal bidje ságaid johtui olbmuin davvin. Máŋga dáid muitalusain muitaluvvojit čájálmasas "Buresboahtin". Ee. beassat gullat garra ráhkesvuođamuitalusa gilis Umba, mii lea Deanu gieldda verddebáiki Ruoššas. Beassat maid gullat somás muitalusa Deanušalddis.

Čájálmasas leat golbma nuorra neavttára, ja dan gánniha vuolgit geahččat. Viehkal ja oastte bileahtaid! Daid sáhtát bidjat sierra gieldda telefonguovddážis, tlf. 46400200

Bures boahtin!
Loga eambbo neahttasiiddus www.ht.tr.no