Language Language Language Visning: A A A A A
toppbilde

Ruhtadoarjja guolástanfatnasa oastimii

Gielddastivra lea bidjan sierra 300.000 kr vuođđoealáhusfondii. Ruđat leat várrejuvvon doarjagin guolástanfatnasiid oastimii. Ohcamušat gieđahallojuvvojit dađistaga.
Fiskebåt
Gielddastivra mearridii áššis 4/2010 guovvamánu 25. beaivve 2010 ahte:
Juolluduvvo 300.000,- kr vuođđoealáhusfondii, ja ruhta lea várrejuvvon guolástanfatnasiid oastimii. Juolludeami gokčá fas váldeháldofoandda bokte.

Doarjja:
Investeremat gitta 1 mililj. rádjai, 50.000 kr,- investeremat gaskkal 1-1,5 milij. 65.000 kr,- ja investeremat 1,5 milj. ja eanet 80.000,- kr, mii lea eanemus maid sáhttá oažžut.

Duođaštusat:
Gávpesoahpamuš, ruhtadanplána ja doaibmaplána vuosttas jahkái. Doarjja mákso go reasta ruhtadeamis duođaštuvvo. Vuođđoealáhusfoanda gieđahallá doarjjaohcamušaid dađistaga go bohtet.

Ohcamuš sáddejuvvo: Deanu gielda, Vuođđoealáhusfoanda, Rådhusveien 3, 9845 Deatnu.
Jus dárbbašat lasi dieđuid, de sáhtat váldit oktavuođa Frans Erkiseniin, tlf: 464 00 271.