Language Language Language Visning: A A A A A
toppbilde

Mii dárbbašat ollu eambbo ruhtačoaggiid!

TV-akšuvdna 2009 CARE dárbbaša eambbo ruhtačoaggiid Deanus sotnabeaivve golggotmánu 18. beaivve. Deanu sátnejođiheaddji gal áigu čoaggit ruđa. Mii dárbbašat ain ollu eambbosiid geat sáhttet leat mielde váccašeamen dán dehálaš mátkki máilmmi nissoniid ovddas.

Dán jagáš TV- akšuvdna manná CAREii mii veahkeha máilmmi geafimus nissoniid. TV-akšuvdna CARE galgá veahkehit máilmmi geafimus bearrašiid birget ieža. Jus attát ovtta nissoniid, de veahkehat olles bearraša. CARE áigu geavahit TV-akšuvdnaruđaid oahpahit ođđa seastin- ja loanahanjoavkkuid riikkaide Afrihkkás ja Ásias. Nissonat, geain ollusat leat análfabehtat, ohppet ieža seastit ruđa oktasaš seastinkássas, nu ahte sáhttet fas loanahit guđet guimmiide.

Dáinna lágiin lea sis vejolašvuohta fitnet loana, mii lea bálvalusCare 2009 logo mii sis ii leamaš goassige ovdal. Olbmot goariduvvoneatnamiin dárbbašit, seamma láhkai go mii ge, loana beassan dihtii viidáseabbot eallimis. Go nissonat servet seastin- ja loanahanjoavkkuide, de sis leat vejolašvuođat váldit smávit loanaid álggahan dihtii iežaset fitnodagaid, oastit dálkasiid, dearvvasvuođabálvalusaid ja máksit mánáid skuvlagoluid. Dá lea doarjja mii doaibmá ja bistá, maiddái maŋŋá go CARE lea geassádan ruovttoluotta.

Loga eambbo dán jagáš TV-akšuvnna birra

Hálidat go don váccašit dán jagáš deháleamos mátkki sotnabeaivve 18. beaivve golggotmánus?

Riŋge 02025 dahje Deanu gildii nummiris 46400200 ja dieđit iežat ruhtačoaggin
dahje 
registrere iežat interneahta boktá dás 

Searvva fal don ge!

Ustitlaš dearvvuođaiguin 
Frank M Ingilæ