Language Language Language Visning: A A A A A
toppbilde

Deanu gielda lea juo 1995`as gáibidan ahte boazodoalloeiseválddit čorgejit ášši

NRK ođđasiin buvttii boazodoalloorohaga 9 ovddasteaddji Nancy Porsanger garra ávžžuhusa dan birra ahte politihkkárat dál fertejit seaguhit iežaset ja oassálastit sihkkarastit guohtonvuođustusa orohagas.

Deanu gielda lea guhkká diehtán váttisvuođaid birra ja lea árvvoštallan dili hirbmat duođalažžan. Gielda lea vuđolaččat válddahallan dan birra cealkámušas Deanu ovdagottis čoahkkimis 25.07.95. Cealkámuš lea gaskkustuvvon áššáigullevaš boazodoalloeiseválddiide

.

Gielda lea maid, ovttas boazodoalloorohaga 9 njunnošiiguin oassálastán čoahkkimis daláš boazodoallohoavddain Jon Meløyain ja Kárášjoga ránnjáorohagaid áirasiiguin. Dán čoahkkimis rávvii boazodoallohoavda orohaga 13 čuovvut guohtonrájá. Boazodoallohoavda celkkii čielgasit ahte áiggui bearrat helikoptera sin ala vuojehit bohccuid eret jus ieža eai nagadan dan. Boazodoallohoavdda dajahus lei beaktil birrasii guokte jagi

 
Gieldda mielas ii lea buorre go dilit lea ain seamma fuones dilis go dieid jagiid mat ledje ovdal 1995'. Gielda celkkii dalle ahte "Lea fuomášan veara go boazodalloeiseválddit nu guhkká go riidu lea bistán eai leat geavahan vuoigatvuođaid mat leat § 24:s Boazodoallalágas ahte sirdit bohccuid mat guhtot lobiheamet." Gieldda mielas lea sakka váidalahtti go oasehasat, vaikke lea ođđa boazodalloláhka, eai leat vel nagodan čoavdit riiddu ealáhusa vuođđoáššiin. Gielda váidala go ii sáhte váikkuhit ealáhusassii iežas gielddas. Gielddain lea vejolaččat dušše politihkkálaš deattu lásihit. Jus galgá nagodit politihkkálaččat váikkuhit fertejit orohagat áktiivválaččat ovttas doaibmat gielddain.