Language Language Language Visning: A A A A A
toppbilde

Álbmotčoahkkin bievlavuodjima birra

Gielda bovde álbmotčoahkkimii juovlamánu 1.b. 2008 birasvistái dii. 18 – 21.
Fylkkamánni, FeFo ja Sámediggi oassálastet sáhkavuoruiguin. Dan dahket maiddái Sirpmá ja Álletnjárgga gilisearvvit.
Snøscooter

Álbmotčoahkkin dollo daningo Biras- ja kulturkomitea čoahkkimis cuoŋománu 22.b. 2008 mearridii čuovvovaččat; dáhttut hálddahusa bidjat johtui láhkaásahusa ráhkadeami gieldda rabas máđifierpmádaga viiddideapmái, nu ahte otná vuodjinlobiluottat šaddet rabas máđiit. Das čuovvu maid viiddideapmi rabas máđiis 3 Máskejohka – Spierkuvárri gitta Geassejávrái.  

 
Ulbmil lea dustet báikkálaš olbmuid motorfievrogeavaheami dárbbu dallego atnet ávkki luonddus árbevirolaš johtalusluottaid miel.
 
Ášši sáddejuvvui gulaskuddamii dasa guoski čujuhusaide, mas lei vástidanáigemearri miessemánu 6.b. 2008.
 
Leat dássážii boahtán gulaskuddancealkámušat čuovvovaččain:
 
Sandlia og omegn gilisearvi háliida ahte rahppo máđii nuorttabealde Hárrejoga/Hárrejávrri. Sii čujuhit dasa ahte geaidnu Hárrejávrái lea almmolaš ruđaiguin ráhkaduvvon, ja ahte leat ollu geavaheaddjit guovllus. 
 
Boazodoalloorohat 9 vuosttilda garrasit ahte sin čakčaguođohanguovllu máđiit rahppojit friija johtolahkii. Dát guoská máđiiide 2A, 2B, 3, 4 ja 7. Orohagas čujuhit dasa ahte bohccot muosehuvvojit ragatáigge, ja ahte johtolat guovllus lasiha masttadeami lagaš orohagaiguin.
 
Álletnjárgga gilisearvi lea hui positiiva álggahuvvon bargui. Gilisearvi čujuha dasa ahte máđđi 11 leamaš muhtin lágan giligeaidnu mii lea ruhtaduvvon almmolaš ruđaiguin.
 
Algasvarre gilisearvvis eai leat vuosttáldeamit evttohussii. Searvi hálida ahte geaidnu mii manná ovddeš ruskatuvdnái ja militeara rádjui Suoppajávrri buohta, dohkehuvvo johtalusluoddan.