Language Language Language Visning: A A A A A
toppbilde

Riidočoavdinráđit Davvi Romssas ja Finnmárkkus ohcet soabadeddjiid čuovvovaš gielddain

Riidočoavdinráđit Davvi Romssas ja Finnmárkkus ohcet soabadeddjiid čuovvovaš gielddain: Kárášjohka, Deatnu, Unjárga, Guovdageaidnu, Porsáŋgu, Áltá, Návuotna, Ráisa ja Gáivuotna.

Riidočoavdinráđđi lea Justisdepartemeantta vuollasaš orgána, ja hálddaša soabadanfálaldaga mas lea doaibman soabadit gaskal oasálastiid geat leat riidduin. Soabadeapmi fállo buot gielddain, ja lea nuvttá. Gávdnojit oktiibuot 22 riidočoavdinráđi mas lea soabadanjođiheaddji. Riidočoavdinráđi doaibma lea regulerejuvvon lágas “Lov om megling i konfliktråd”.

Lea leamaš lassáneapmi áššiin riidočoavdinráđiin. Eanet áššit bohtet sámegielat guovlluin, ja mii dárbbašat ođđa soabadeddjiid dáin gielddain. Mii háliidat álggahit soabadanjoavkku mas lea sámi duogáš ja identitehta.

 

Soabadeaddji lea almmolaš doaibma njealji jahkái ja lea vejolašvuohta guhkidit áigodaga. Soabadandoaibma lea huksejuvvon oahpoheameprinsihpa ala. Ii gáibiduvvo erenoamáš oahppu, muhto mii deattuhit persovnnalaš gealbbu.

 

Soabadeaddjin berret leat:

-         deavdán 18 jagi

-         buorre meannudus ja jienastanvuoigatvuohta gieldda válggaide

-         buorre gelbbolašvuohta sámi servodatáššiin, ja áinnas dovdat boazodoalu

-         hálddašit sámegiela bures

-         beroštupmi ja áigi doibmii

-         persuvnnalaš gealbu

 

Tiibmomáksu lea dál ru 130,-. Soabadeapmi čađahuvvo dábálaččat maŋŋágaskabeaivve- ja eahkedis maŋŋá dábálaš skuvla- ja bargoáiggi. Soabadeaddji váldá oktavuođa ja bovde oasálastiid soabadeapmái, jođiha soabadančoahkkima ja váikkuha oktasaš áddejupmái ja čovdosa dan oktagas áššái. Šiehtadus gaskal oasálastiid dáhkko čálalaččat maid soabadeaddji loahpas dohkkeha. Ferte rehkenastit veahá mátkkošteami. Mátkkit gokčojuvvojit stáhta regulatiiva mielde.

 

Dárbbašlaš oahppu addo.

 

Soabadeaddji sáhttá vurdot buktit ovdan álkidáhtton politiijaduođaštusa. 

 

Ohcan sáddejuvvo  ovdal skábmamánu 28.11.08e-boastta bokte: arnfinn.moen@konfliktraadet.no dahje breavan: Konfliktrådet i Øst-Finnmark, Statens Hus, Damsveien 1, 9815 Vadsø.

 

Ohcanskovvi ja lassi dieđuid oaččut go válddat oktavuođa riidočoahkkinjođiheddjiin Arnfinn Moen, tlf. 78 95 05 88/99 47 37 03. Geahča maid min neahttasiiddu: http://www.konfliktraadet.no