Language Language Language Visning: A A A A A
toppbilde

Seminára ”Finnmárkkukommišuvdna – sin mandáhta ja min vuordámušat”

Finnmárkkukommišuvnna ovddas lágida Sámi ealáhus- ja guorahallanguovddáš (SEG) seminára Deanu birasvisttis golggotmánu 29.b. 2008. Seminára duogáš lea earret eará almmolaš beroštupmi kommišuvnna bargguide ja diehtojuohkindárbu dán olis.
Øyvind Ravna

Logaldallit leat earret eará Jon Gauslaa (Finnmárkkukommišuvnna jođiheaddji), Ole Henrik Magga (Finnmárkkukommišuvnna miellahttu), Sverre Pavel (FeFo opmodatosd.) ja dr juris Øyvind Ravna (Romssa Universitehtta).

 Øyvind Ravna váldá sáhkavuorustis ovdan dološáiggi rájes geavaheami ja oamasteapmi háhkanvuođđun sámi guovlluin ja geahčada erenoamážit makkár mearkkašupmi Selbuduomus ja Čáhputduomus sáhttet leat Finnmárkkukommišuvnna bargui. Vuođđun su sáhkavurrui lea Justiisalávdegotti láhkaaddicealkámuš ja dan sisdoallu lágaid birra. Son maiddái oppalaččat geahčada dološáiggi rájes geavaheami- ja oamasteaminjuolggadusaid, muhto guovddážis lea Selbuduopmu ja riektenorpmat mat čuvvot dán duomu. Selbuduopmu lei boazodoalu birra, muhto Ravna geahčada dán duomu árvvoštallan dihte makkár mearkkašupmi das sáhttá maiddái eará sámi lunddugeavaheapmái.
 
Iešguđet beroštusjoavkkut besset ovdanbuktit iežaset vuordámušaid Finnmarkkukommišuvnna bargguide. Sámi Bivdo- ja Meahcástansearvi, Goahtegearret, Badje Deanu Siida, Riddobellodat, Norges Jeger- og Fiskeforbund ja Norgga Boazosápmelaččaid Riikkasearvi oassálastet sáhkavuoruiguin. Seminára loahpahuvvo paneladigaštallamiin.
 
Seminára lea nuvttá ja rabas buohkaide. Dieđihanáigemearri bearjadag 24/10-08. Dieđiheapmi SEG:ii elisabeth@seg.deatnu.no / tel 78 92 54 90

Prográmma

                                                                                                                                        ”Finnmárkokomišuvdna – sin mandáhta ja min vuordámušat”

Deanu birasvisttis, 29/10-08
 
 
09.00-09.15:     Buresboahtin Deanu sátnejođiheaddji Frank Ingilæ bokte
 
09.15-10.00:     ”Finnmárkkulága ja kommišuvnna barggu vuođđu”
                            Ole Henrik Magga bokte (Finnmárkokomišuvnna miellahttu) ja Jon Gauslaa (Finnmárkokomišuvnna jođiheaddji)
 
10.00-10.15:     Káffeboddu
 
10.15-11.15:     ”Dološáiggi rájes geavaheapmi ja oamasteapmi háhkanvuođđun sámi guovlluin. Erenoamážit mo Selbuduopmu ja Čáhppotduopmu váikkuhit Finnmárkokomišuvnna bargguide”
                            dr juris Øyvind Ravna bokte (Romssa Universitehta vuosttašamanuensa)
 
11.15-11.45:     FeFo
                            Sverre Pavel bokte (FeFo opmodatosd)
 
11.45-12.45:     Boradeapmi
 
12.45-13.30:     ”Kommišuvnna bargovuohki ja metodalaš hástalusat”
                            Jon Gauslaa bokte (Finnmárkokomišuvnna jođiheaddji
 
13.30-14.00:     ”Finnmarkkokommišuvdna ja juhkkojuvvon eatnamat ja mearat”
                            Sigvald Persen bokte (Mearrasámi diehtoguovddáža jođiheaddji)
 
14.00-14.15:     Boddu
 
14.15-15.45:     Vuordámušat Finnmárkokomišuvnna bargguide, 15 minuhtasaš sáhkavuorut dáin joavkkuin: Sámi Bivdo- ja Meahcástansearvi, Goahtegearret, Badje Deanu Siida, Riddobellodat, Norges Jeger- og Fiskeforbund, Norgga Boazosápmelaččaid Riikkasearvi
 
15.45-16.00:     Káffeboddu
 
16.00-17.00:     Paneladigaštallan: Vuordámušat Finnmárkokomišuvdnii. Bjørn Hildonen jođiha paneladigištallama.
 
 
 
Čoahkkinjođiheaddji: Kirstin Biti Johansen