Language Language Language Visning: A A A A A
toppbilde

Buorit juovllat ja buorre ođđajahki!

Sátnejođiheaddji sávvá buot gielddaássiide, bargiide ja politihkkáriidda min gielddas buriid juovllaid ja ođđa jagi!

Mii leat mannamin ođđa ja gelddolaš jahkái gos leat máŋga ođđa vejolašvuođa ja hástalusa. Boahtte jahki buktá eahpesihkkarvuođa man láhkai dat riikkaidgaskasaš finánsaváttisvuohta váikkuha min árgabeaivái

Gang rundt juletre utenfor Hotell Tana

 

Dál go ruhtaárvvut leat measta ožžon buot beroštumi mediain, báikkálaččat, riikka siste ja riikkaidgaskasaččat, de sávan ahte litnaárvvut maid bohtet eanet oidnosii.
 
Mun sávan buohkaide ráfálaš juovla- ja ođđajagi ávvudeami.
 
 
 
 
 
 
 
 

 
 
 
 
Finánsamoivi
Boahtte jagi birra leat leamaš juoga veardde fuones einnostusat. Mun jáhkán lihkká ahte Norga nagoda bures giehtadallat dán finánsakriisa mii lea leamaš dat vearrámus ođđaáiggis. Otná ráđđehus čuovvu beaivválaččat otná dili dárkket ja lea almmuhan ahte lea buktimin doaibmapáhka ođđajagimánu 26.b. mii galgá vuosttildit bargguhisvuođa.
 
  
Vássán jahki
Lea miella geahčastit veahá dan vássán jahkái. Mun lean rámis min gieldda bealis ja maid min ássit leat nagodan bargat doaimmaid ja ovdáneami ovdii. Lea miella namuhastit muhtun doaimmaid dán hohppui:
 
Tana vintermarked /Deanu dálveriemut oktan Finnmarksløpetiin, Vinter-skihppis ja buot eará doalut dan birra – lea suohtasis álbmotfeasta mii ii livččii lean vejolaš čađahit jus gielda, ássit, joavkkut ja searvvit, eaktodáhtolaččat ja ealáhusat eai livččii áŋgiruššan dan dihtii. 
Deanu Gielda oaččui gudnenammadeami ”Internasjonal kommune” Fredskorpset:s ja KS:s. Gudni nammadeami válddii sátnejođiheaddji vuostá buot gieldda ássiid bealis.
 
Deanu márkanvahku álggahii Skiippagurrafestiválain gehččiid olahusain go 3500 geahčči ledje boahtán geahččat alimus bottu mii mu mielas lei Waterboys. Dan maŋŋá ledje smávit ja stuorát dáhpáhusat gos Guhkesnjárgga márkan loahpahii márkanbeivviid.
 
Lions Club Tana og Nesseby  lágidii Helsesportsuka 28. geardde gos mus lei stuorra illun leat mielde doaimmain mat ledje Hárrejávrre luhtte.
 
Flerbrukshallen rahppojuvvui stuorra riemuin gos lei gehččiid olahus. Rahpama maŋŋá leat mii oaidnán ahte mii dárbbašat dákkár viesu.
 
Deanu falástallit leat bures birgen dán vássán jagis. Dás áiggun sierra namuhit Maja Erlandsen gii lea heaibumis erenomaš vánta ja lea dál mielde riikkajoavkkus. Son lea vuoitán máŋga gollemedáljja máŋga iešguđet gilvvuin. Šaddá miellagiddevaš čuovvut su boahttevaš falástallan bohtosiid.
 
Tana IF bryting lágida muđuid rabas Davvi-Norgga gilvvu 2009:s guovvamánu 21.b. flerbrukshallenis.
 
 
 
 
 
Otto Daniloff  nammaduvvui årets ildsjel evttohassan gaskkal 949 evttohasas, loahpalaš válljen dáhpáhuvvá idrettsgallas ođđajagimánu 10.b. Stem på Otto her .
 
Giliguovddášođadeapmi lea dál leamaš juo máŋga jagi ja loahpahuvvo 2009’ čavčča.
 
Deanu-lávdegotte bargu lea buorre muttos jođus gos lávdegoddi áigu buktit cealkámuša Deanu čázádaga báikkálaš hálddašeami birra 2009’ čavčča bealde.
   
 
Dát leat dušše oasážat vássán jagis mat muitalit Deatnulaččaid doaimmaid birra go sii doahtan dahket dan “buorre eallima” Deanus.
 
Lean hirbmat rámis go lean Deanu gieldda sátnejođiheaddji!
 
Sávan ilolaš beaivvi buohkaide.