Language Language Language Visning: A A A A A
toppbilde

Sátnejođiheaddji sávvá buot Deanu gieldda ássiide buriid juovllaid ja buorre ođđa jagi!

Buorit juovllat ja buorre ođđa jahki!

Sátnejođiheaddji sávvá buot gieldda ássiide ráfálaš ja buori juovlaávvudeami.
Hálidan giitit buohkaid geat leat bargan ássiideamet ovddas, lei dal barggu dahje eará eaktodáhtolaš bargguid olis dahje eará láhkai.
Juletre

Mis leat máŋga áŋggirdeaddji gielddasteamet ja sin haga livččii báikkálašservodagažeamet ollu geafibun. Dán jagi, nu mo guovtti jagi áigi maiddái, lea muhtun deatnulaš nominerejuvvon dán jagáš áŋggirdeaddjin valáštallama olis. Hans Olav Aagesen lea áŋgirit ja váibameahttumit bargan báikkálašservodaga ovddas 40 jagi bargguinis álbmoga várás. Muitte jienastit Aagesena dás: http://www.nrk.no/sport/idrettsgalla/1.7919016

Jagi 2011 šaddat muitit jahkin goas našuvdna Norga massii vigihisvuođas issoras terrorakšuvnna geažil suoidnemánu 22. beaivve. Anán erenomážit muittus buohkaid geat masse bearašlahtu dahje ustiba jagis mii lea vássán. Hálidan seammás giitit buot deatnulaččaid geat serve báikkálaš muitodilálašvuohtaseamet dáppe Deanus geassit. Leamaš maiddái válgajahki válgagiččuiguin, masa dieđusge dán geasi dáhpáhus čuozai. Hálidan giitit ássiid ja gielddastivrra luohttámuša ovddas go beasan joatkit 4 ođđa jagi sátnejođiheaddjin. Šaddá gelddolaš gielddaválgaáigodat mas álbmotválljejuvvon lahtut galget dahkat máŋga dehálaš mearrádusa deanu servodaga ovddas.

Nu mo dábálaččat, leat Deanus ollu miellagiddevaš dáhpáhusat jagis mii boahtá. Šaddet leat máŋga unnit ja stuorát doaimma ilu ja oktavuođaid várás. Mis lea maid báikkálaš “huksenbooma” ja ollugat leat huksemin viesuid ja ásodagaid. Dat lea áibbas dárbbašlaš, danne go oaidnit ahte gielddasteamet váilot viesut. Gielddas lea maiddái hui áŋgiris ealáhuseallin mii 2011:s válljejuvvui NHO:s okta dain buoremus ealáhuseallimiin Finnmárkkus. Lea erenomáš illudahtti oaidnit ahte nuorra deatnulaččat fas dustet válljet guolásteami bargun ja háhket alcceset fatnasa.
Mii lávket ođđa, gelddolaš jahkái mas leat ollu ođđa gelddolaš vejolašvuođat ja hástalusat. Hálidan ávžžuhit buohkaid váldit vára guđet guimmiin ja sávan ráfálaš juovla- ja ođđajagiávvudeami!
Dearvvuođaiguin
Frank Martin Ingilæ
Sátnejoðiheaddji - Ordfører