Language Language Language Visning: A A A A A
toppbilde

Sátnejođiheaddji sávvá ássiide, bargiide ja politihkkáriidda gielddasteamet buriid juovllaid ja buorre ođđa jagi!

Buorit juovllat ja buorre ođđa jahki!

Sátnejođiheaddji doaivu ahte gieldda ássit ožžot ráfálaš ja buori juovlaávvudeami. Hálidan giitit buohkaid geat leat bargan ássiideamet ovddas, leš dal barggu olis, politihka olis, eaktodáhtolaš barggu olis dahje eará láhkai.
Juletreet ved Tana bru

Leamaš ollu fearanat ja doaimmat Deanus dán jagi, ja ollu mainna sáhttit čevllohallat. Dál lávket ođđa ja gelddolaš jahkái mas leat sihke gieldda- ja fylkkadiggeválggat ja ollu eará mii dáhpáhuvvá. Historjjálaš dáhpáhus 2011:s gártá leat dat ahte Deanučázádat hálddašuvvogoahtá báikkálaččat.  

Deanučázádaga guolástanhálddašeapmi galgá leat veahkkin guhkitáigge guolleresurssaid seailluheapmái ovttasbargun Suomain. Muđui galget lágiduvvot máŋga stuorát valáštallan- ja kulturdoaimma 2011:s, nu ahte mis lea ollu masa illudit.

Ii leat čiegus ášši ahte Deanu sátnejođiheaddji liiko geavahit govvenapparáhta. Loahpahan dihtii 2010, de lean ráhkadan govvačájálmasa govain juohke mánus 2010:s. Govat čájehit jahkeáigodagaid ja muhtun doaimmaid mat čađahuvvojedje 2010:s.

Deaddil dákko geahčan dihtii sátnejođiheaddji 2010 govvačájálmasa

Govat lehkkojuvvojit sierra dihtorsiiddus, ja vállje áinnas geahččat govaid čuovgagovvahámis bajimusas gurut ravddas.

Sávan buori beaivvi!