Boahtte jagáš skuvlaruvtto lea dál gárvvis

Čakčaluopmu lea biddjon čakčamánu 23.-27. beaivái. Ohppiin lea maid olles vahku dálveluopmu njukčamánu 14.-18. beaivve.

Sirpmá skuvla čuovvu sierra skuvlaruvtto danne go ovttasbarget skuvllain suoma bealde. Dát biddjo nehttii dalán go lea gárvvis. Maiddái Montessoriskuvlla skuvlaruvtto lea veahá earálágan go dat mii lea mielddusin dás.

Fuomášahttit ahte oahppit muhtun skuvllain ožžot eambbo friddjabeivviid go mat oidnojit dán listtus. Sivvan dasa lea ahte muhtun skuvllain leat eambbo tiimmut vahkus go eará skuvllain. Skuvllat maidda dát guoská buktet  eambbo dieđu dán birra maŋŋelaš.

Ovdal go 2010/2011 skuvlaruvtto mearriduvvo, lea sávahahtti ahte divaštallošii ahte galget go ohppiin leat friddjabeaivvit eambbo bieđggus miehtá skuvlajagi, vai galget go čohkket friddjabeivviid guhkit luomuide.