Báikkálaš gulaskuddan raportta ja doaibmabidjoevttohusa birra prošeavttas “Bievlavuodjin Finnmárkkus”
DN (Luondduhálddašan direktoráhtta) lea sádden raportta oktan doaibmabidjoevttohusain prošeavttas “Bievlavuodjin Finnmárkkus” gulaskuddamii. Raporta čilge mo bievlavuodjindilli fylkkas lea otne, ja evttoha doaibmabijuid mat sáhttet unnidit vuodjima mii bilida luonddu. Báikkálaš organisašuvnnat Deanus bovdejuvvojit buktit cealkámušaid ja evttohusaid ovdal go gielda meannuda raportta. Báikkálaš gulaskuddanáigemearri lea ođđajagimánu 17. beaivve.
Prošeavtta gulaskuddanraporta čilge guokte vejolaš modealla boahtteáiggi hálddašeapmái: A-modealla) bievlavuodjin vuodjinlobiiguin – unnit sierravuodjinlobit), ja B-modealla) joatkit otná njuolggadusaid – čavget praksisa.
Beroškeahttá boahtteáiggi hálddašanmodeallas, evttohuvvojit doaibmabijut dego eambbo bearráigeahčču, lasihit bagadallama gielddaide, doaibmabijut ealgabivddu olis, doaibmabijut mat laktašuvvet vuodjimii boazodoalu ja sávzadoalu olis, buoridit máđiid, ásahit gáibádusa ahte galgá oahpahuvvot bievlavuodjimis jna.
Deanu gielda galgá buktit cealkámuša gulaskuddanraportii ovdal guovvamánu 1. beaivve 2011. Vuođustussan viidásat meannudeapmái gielddalaš orgánain, sáddejuvvo dál raporta gulaskuddamii báikkálaš organisašuvnnaide (giliservviide, bivdo- ja ealáhusorganisašuvnnaide). Gulaskuddanáigemearri lea vuossárgga ođđajagimánu 17. beaivve 2011. Cealkámušat sáddejuvvojit Deanu gildii, Rådhusveien 3, 9845 Deatnu, dahje e-poastta bokte čujuhussii postmottak@tana.kommune.no
Gulaskuddanraporta - Bievlavuodjin Finnmárkkus (dárogillii).pdf