Bággoveaddin Deanu gielddas - láhkaásahus

Mearriduvvon Deanu gielddastivrras geassemánu 17. beaivve 1999 láhkavuođuin lágas suoidnemánu 9. beaivve 1926 nr. 4. ovddasvástádus go beana lea lápmašuhttán šibihiid j.n.v. § 3 nubbi lađas. Nannejuvvon Eanadoallodepartementtas suoidnemánu 26. beaivve 1999.

§ 1. Deanu gielddas lea juohke beanaeaiggádis, dahje das geas lea beana geahču vuolde, geatnegasvuohta doalahit beatnaga báttis dahje bures giddejuvvon, dahje áidojuvvon, áigodagas gaskkal cuoŋománu 1. beaivve gitta golggotmánu 15. beaivve rádjai, guovlluin mat leat čilgejuvvon lagabui. Guovllut leat merkejuvvon kártii. 
Dát mearrádus ii guoskka dápmojuvvon beatnagiidda mat čuvvot šibihiid guohtumis, beatnagiidda mat leat guorramin lápmašuvvan fuođđuid dahje hárjehallamis, dahje politiija- ja gádjunbeatnagiidda mat leat bálvalusas dahje hárjehallamis.
§ 2. Lea ráŋggáštahtti rihkkut dán láhkaásahusa.
§ 3. Dát láhkaásahus biddjo fápmui dakkaviđe. Seammás fámuhuhtto láhkaásahus borgemánu 4. beaivve 1994:s nr. 783 bággoveaddima olis Deanu gielddas, Finnmárkkus.

Bággoveaddima geográfalaš rájáid čilgehus

1. Guovlu Deanušalddi oarjja bealde
RG 92:s Levssejot'ráigge Miennaluobbalii, das Deavkkehanjot'ráigge Lákšjohkii, viidáseabbot Ciikojot'ráigge Máskeluobbalii. Das Geasisráigge njuolgga davás gitta Luohtemuor'joga deaivvadeapmái mii manná viidáseabbot Luohtemuor'jávrriide. Das njuolgga linjá davás/nuorttas gitta Golggotjávrri máttageahčái, viidáseabbot njuolgga linjá davás/oarjjás Nissojávrri máttageahčái. Das davás gitta 344 alážii ja viidáseabbot davás Giillašjohkii. Giillašjot'ráigge Loavddajávrriide ja Loavddajot'ráigge gitta joganjálbmái Málddovuonas. Rádjá čuovvu mearragátti gitta Deanunjálbmái ja das fas čuovvu deanu gitta Levssejohkii.

2. Reakčavuotna
Rádjá čuovvu ordarájá gitta Jávreluoktajávrái, Uđasjoðahatjávrris gitta jávrrážii aláža 184 buohta, ruovttoluotta njuolgga máttás johkii, njuolgga oarjjás gitta Reakčavutnii.

3. Luovttejohka - Juovlavuotna
Luovttejot'njálmmis geaidnoerrui mii manná Luovttejot'ráigge bajás Luovttejohkii. Čuovvu geainnu Luovttejot'ráigge gitta geaidnogeahčái. Das Hánájot'ráigge gitta Unjárgga gielddarádjái. Das njuolgga davás gitta alážii 230, njuolgga linjá davás gitta Fakt'oaivái, nuorttas gitta alážii 300, njuolgga davás/nuorttas Viercanjávrái, Čammajot'jávrriid davágeahčái. Das njuolgga davás/oarjjás gitta Mielkeveaj'jávrriide, njuolgga linjá máttás/oarjjás gitta Geresjot'njálbmái. Das čuovvu mearragátti gitta detnui, ja das deatnogátti gitta Luovttejot'njálbmái.

4. Buolbmát - Álletnjárga
RG 895:s rasttilda Jávvájoga. Jávvájot'ráigge bajás gitta 145 alážii, máttás/nuorttas Duolbaládduide, máttás/oarjjás Jussávađđii, máttás/oarjjás Leaibejot'várážii, máttás/oarjjás gitta suomarádjái. Čuovvu suomarájá gitta detnui, viidáseabbot deatnogátti gitta Jávvájot'njálbmái ja das Jávvájot'ráigge bajás gitta go rasttilda RG 895.