Almmolaš gažadanboddu gielddastivračoahkkima oktavuođas čakčamánu 23. beaivve

Dás čuvvot njuolggadusat almmolaš gažadanboddui gielddastivrra dábálš čoahkkimiidda Deanu gielddas:

a) Justa ovdal go gielddastivračoahkkin álggahuvvo, čađahuvvo 30 minuvtta almmolaš gažadanboddu čoahkkinlanjas. Dát ii guoskka čoahkkimiidda gos gielddastivra gieđahallá bušeahta/ ekonomiijaplána, dahje erenomáščoahkkimiidda.

á) Gažadanboddu loahpahuvvo go dábálaš gielddastivračoahkkin álggahuvvo almmuhuvvon áigái.

b) Gažaldat galgá leat geigejuvvon sátnejođiheaddjái frank.martin.ingila@tana.kommune dahje postmottak@tana.kommune.no čálalaččat ovdal tii. 12.00 guokte beaivve ovdal čoahkkima. Son guhte lea buktán gažaldaga galgá ieš ovdanbuktit gažaldaga gažadanbottus.

c) Juohkehaš guhte ássá gielddas, earret gielddastivralahtut, sáhttet buktit gažaldaga sátnejođiheaddjái (sátnejođiheaddji bokte), gielddastivrii, dahje ovtta gielddastivralahttui. Gažaldagat gielddastivralahtuin muddejuvvojit gielddastivrra § 23 njuolggadusain. Jus gažaldat njulgejuvvo gielddastivrii, de mearrida sátnejođiheaddji gii galgá vástidit gažaldaga. Jus gažaldat jerro eaŋkilis lahtus, de galgá sátnejođiheaddji ovdanbuktit gažaldaga lahttui unnimusat guokte beaivve ovdal čoahkkima.

č) Gažaldagat galget leat oanehaččat, ja galget guoskat gielddalaš dilálašvuođaide. Gažaldagat, maidda ii sáhte vástidit seđolaččat, maŋiduvvojit boahtte gielddastivračoahkkimii.

d) Gažaldagat galget leat oanehaččat, ja daid galgá sáhttit jearrat 3 minuvttas. Vástádus maid galgá addot 3 minuvttas. Dása lassin sáhttá sátnejođiheaddji addit vejolašvuođa replihkaide.

đ) Sátnejođiheaddji sáhttá hilgut gažaldagaid:
- jus gažaldagain fallehit ássiid
- mat sisttisdollet čiegus dieđuid
- mat berrejit njulgejuvvot gielddalaš hálddáhussii
- mat leat jerrojuvvon seammaláhkai dahje sullii seammaláhkai dan maŋimuš 6 mánus

e) Gažadanboddu ii geavahuvvo maŋimuš 3 mánu ovdal gielddaválggaid.

f) Jus čuožžila eahpesihkkarvuohta dáid njuolggadusaid áddejumi ektui, de lea sátnejođiheaddjis loahpalaš mearridanváldi. Jus muhtun gielddastivralahttu ii leat ovttaoaivil sátnejođiheaddji mearrádusain, de sáhttá son maŋŋá gažadanbottu gáibidtit ahte gažaldat meannuduvvo ođđasit boahtte čoahkkimis mas lea almmolaš gažadanboddu.

g) Son guhte ovdanbuktá gažaldaga almmolaš gažadanbottus, ii sáhte gáibidit ahte gažaldat biddjo sierra áššin čuovvovaš čoahkkimis.