Sieiddá skuvllas, borranlanjas, duorastaga guovvamánu 24. beaivve tii. 19:30
Čájáhus "Oil Rich N & N"
Deanu gielda ja SKINN (Davvi –Norgga dáidaga oktasašorganisašuvdna) sávvet buohkaide buresboahtima miellagiddevaš čájáhussii Sieiddá skuvllas (borranlanjas) duorastaga tii. 19:30 eahkedis. Čájáhusas lea dáidda Oil Rich N & N. Nigerialaš govvejeaddji George Osodi buohtastahttá dáidagis norgga ja nigerialaš oljoindustriija. Dehálažžan sutnje lea beaivválaš eallin doppe gos oljobuvttadeapmi dáhpáhuvvá.
Čájáhusa duogáš ja sisdoallu
Čájáhusas lea dáidda Oil Rich N & N. Nigerialaš govvejeaddji George Osodi buohtastahttá dáidagis norgga ja nigerialaš oljoindustriija. Dehálažžan sutnje lea beaivválaš eallin doppe gos oljobuvttadeapmi dáhpáhuvvá. Su dokumentašuvdna oljoriggodagain njálmmádagain máddin Nigerias, lea mielddisbuktán viiddis dáidagii mii čilge garra dili guovllus – sihke servodatlaš ja biraslaš dili. Dát dilálašvuođat eai leat goassige čalmmustahtton nu viidát riikkaidgaskasaš mediain. Fitnodagat mat buvttadit oljju máŋgga riikkas, leat roggan oljju Nigeria njálmmádagas daid maŋimuš 50 jagi. Guovlluálbmot ja guovlu gillá fuones infrastruktuvrrain, buresbirgenvuogádagain mii ii gávdno ja gehppes biraspolitihkain, ja guovlluálbmogii ii boađe oljoriggodat álggage buorrin. Nigerialaš statistihkka čájeha ahte 90% sisaboađus olgoriikkalaš valutas boahtá dákkár doaimmain. Olju mii golgá oljobohcciin lundui, ja gássabuollimat bilidit lagašbirrasa ja dagahit dearvvasvuođaváttisvuođaid. Eanadoalu ja guolásteami vuođđu biliduvvo. Vuosteháhku oljoindustriijii lea dađistaga lassánan, ja dat lea fas láhčán dili soahtevehkii geavahit vearjjuid, ja soahteveaga gal ii dárbbaš gohččut guktii go lea sáhka váldit veagal.
Govat Norggas leat govvejuvvon go govvejeaddji lei Stavangeris, Oslos ja Lofotenis 2008:s. Lea stuorra erohus beaivválašdilis Norggas ja Nigerias. Osodis ii leat jurdda baldalit govaidisguin. Son sávvá ahte geahččit háhket iežaset oainnuid.
Dáidaga ja teknihka birra
Oil Rich N & N (2003–2008)
Čájáhusas lea dáidda Oil Rich N & N. Guokte prošeaktora čájehit guokte jienahis govvaráiddu oktanaga. Goappá ge ráiddus leat 250 gova, čájehuvvon njuolgga seaidnái jiena haga. Ráiddut čájehuvvojit bálddalágaid.