Language Language Language Visning: A A A A A
toppbilde

A(H1N1) influeanssaboahkut lea ain maŋŋonan

Spiidneinflueansaboahkut mii galgá gielddaide leat fas maŋŋonan.
Mii addit eambbo dieđuid nu dalán go diehtit eambbo áššis.
Pandemi_Info
Deanu gielda lea geavahan buot dan 500 vuosttas boahku maid ledje ožžon. Dát dálkkasmearit leat geavahuvvon boahkuhit dearvvasvuođabargiid geat vuosttažettiin deaivvadit buhcciiguin, ja maiddái daid geat leat gaskkal 6' mánosačča ja 64 jagi geat gullet vuoruhuvvon risikojoavkkuide. Dasa lassin leat boahkuhan muhtun ráje dearvvasvuođa- ja fuollabargiid, oainnat jus buozalmasjávkan lassána dramáhtalaččat, de sáhttet dát bargit leat vánit.
Boahtte boahkkosáddehus boahtá áramusat 46. vahkus. Mii čuovvut Álbmotdearvvašvuođainstituhta ávžžuhusaid, ja joatkit boahkuheami čuovvovaččat:
 - dat geat leat báhcán boahkukeahttá iešguđetge sivaid geažil risikojoavkkuin, ja dearvvasvuođabargiin, su. 50 olbmo.
- dain geain lea lagaš oktavuohta olbmuiguin geat leat risikojoavkkuin, erenomážit olbmot geain lea oktavuohta njuoratmánáin vuollil 6 mánu ja áhpehemiin geat leat vuosttas dásis vuordimin máná.
- ovdaskuvlamánát ja bargit
- skuvlamánát ja oahpaheaddjit
- reasta álbmogis
 
 
 
 
Buohkat risikojoavkkuin ja reasta álbmogis ožžot boahkkodálkkasmearrefálaldaga dan ortnetlogus mii lea čilgejuvvon bajábealde. Go dát leat ožžon fálaldaga, ja eai geat ge leat šat vuordimin dan vuosttas dálkkasmeari, de sáhttit boahkuhišgoahtit nuppi geardde daid geaid ávžžuhit boahkuhuvvot guktii, nammalassii mánáid vuollil 10 jagi. Galgá vássit unnimusat 3 vahku gaskkal dán guovtti boahkuheami.
 
Boahkuheapmi lea mannan bures. Leamaš ollusat geat leat hálidan boahkuhuvvot, ja leamaš garra bargodilli, muhto olbmot leat čájehan áddejumi ja leat leamaš hui gierdavaččat.