Language Language Language Visning: A A A A A
toppbilde

Oppdatert kl 21.10

3 ođđa positiiva njoammunbohtosa odne eahkeda

Oktiibuot 6 olbmot leat testen Covid-19 positiivan dán vahkus

3 ođđa olbmo leat duođaštuvvon testen positiivan PCR teastta bokte odne eahkedis. Buot njoammumat čatnasit árabut oahpes njoammunbálgái dán vahkus ja buohkat geat leat testen positiivan leat leamaš juo erremis. 

Dál leat oktiibuot 6 olbmo Deanus geat leat duođaštuvvon Covid-19 njoammuduvvon dán vahkus. 

Buohkain geain leat covid-19 symptomat ávžžuhuvvojit testehit iežaset, beroškeahttá boahkuhanstahtusas.  

Áiggi koronatestii sáhttá diŋgot dán telefovnna bokte 400 05014. Teastastašuvdna lea sirdojuvvon máŋggageavahushállii, sisamannanuksa lea maŋábealde, siskkimuš rukses uksa.  Duohken lea maid biilaparkerensadji. Mii testet gaskkal dii. 09:00 ja 14:00 vuossárggas bearjadahkii ja gaskkal dii. 12:00 ja14:00  lávvardaga ja sotnabeaivvi.  

Lea maid drop- in boahkuhanfálaldat Máŋggageavahushállas.  Loga eanet dan birra dákko:  https://www.tana.kommune.no/drop-in-for-koronavaksine-og-influensavaksine-paa-tana-flerbrukshall.6422036-525066.html

Mii muittuhat ahte pandemiija ii leat vel meattá ja ahte njoammunlogut loktanit máŋgga sajis.

  • Muitet buorre giehta- ja goassanhygiena. 
  • Dollet gaskkaid doppe gos lea vejolaš, ja geavahehket njálbmásuoji doppe gos ii leat vejolaš doallat gaskkaid
  • Jus oaččut symptomaid fertešit don bissut ruovttus dassážii go leat testehan iežat.
  • Lea dehálaš ahte buohkat geat leat buozas, vaikko leat testen Covid- 19 negatiivan, orrot ruovttus. Dearvvavuođabálvalus noađđiduvvo garrasit dáid áiggiid maiddái sis geain ii leat Covid- 19 (omd. influeansabuohccit), ja dilli dearvvavuođabálvalusas lea hástaleaddji sihke nationálalaččat ja regionálalaččat.

​Nationála ávžžuhusat / njoammunsuodjenjuolggadusat: https://www.regjeringen.no/no/aktuelt/pressekonferanse-om-koronasituasjonen2/id2891215/https://www.regjeringen.no/no/aktuelt/pressekonferanse-om-koronasituasjonen2/id2891215/