Deanu ruovttubálvalusat

Doaibmačilgehus Deanu ruovttubálvalusas (ruovttubuohccedikšu) Deanu gielddas

Čujuhus: Tana omsorgssenter, Helsestien 35,  Tanabru, 9845 Tana.

Konst. doaibmajođiheaddji Liv Berit Johnsen, tel. 45517732, e-poasta: liv.berit.johnsen@tana.kommune.no

Veahke jođiheaddji (fuolahusviesuin) Hild Ryeng (álgin 1.5.21) tel. 45517742, e-poasta hild.ryeng@tana.kommune.no

Ruovttubálvalusat váktatelefovdna  45517733

Ruovttubuohccedivššár, tel. 45517733

Deanu fuolahusguovddáš

• Beaiveguovddáš tel 45517728

Ulbmilin Deanu ruovttubálvalusas lea ahte eanemus lági mielde olbmot galget oažžut dohkálaš fuolahusa iežaset ruovttuin.

Geat ožžot bálvalusa

Dat geat devdet eavttuid Lov om Pasient- og brukerrettighetsloven §§ 2-1 ja 2-1 a vuolul.

Bálvalusa fállojuvvo individuála ja dearvvašvuođafágalaš árvvoštallama vuolul gos lea IPLOS-kárten gos doaibmadássi, sosiála bealit ja orrun dilit váldojuvvojit vuhtii.

Bálvalusfálaldat ráhkaduvvo ovttas geavaheddjiin jus dat leat vejolaš. Mearrádus celkojuvvo čálalaččat gos lea guoddalanvejolašvuohta.

Bálvalusat mat leat vuollai 14 beaivvi daidda ii leat gáibádus čálalaš mearrádus.

Bálvalusdárbu guorahallojuvvo dađi mielde ovttas geavaheddjiin.

Bálvalusa sisdoallu

·         Bearráigeahčču, rávven ja oaivadeapmi

·         Skuvlejupmi ja dáidduid bajásdoallan

·         Veahkkeneavvuidheiveheapmi

·         Iđit- ja eahketdikšu, nuoladeapmi ja gárvodeapmi

·         Dálkasiid hálddašeapmi

·         Háviiddikšun ja čájánasaidváldin

·         Stomi ja katehter

·         Veahkki niestepáhkaráhkadeapmái, ja vejolaččat boradanveahkkin

·         Málesjuohkkin

·         Veahkki duođalaš buhcciide ja jámadeddjiide

Maid sáhttá geavaheaddji vuordit ruovttubuohccedivššus?

·         Ovttaskas geavaheaddji ja oapmahaš galgá dovdat ahte sin bearráigehččet ja gudnejahttet

·         Mieldemearrideapmi go heivehuvvo bálvalusfálaldat

·         Bargit leat čadnojuvvon jávohisvuođageskui

·         Bálvalusa galgá boahtit sohppojuvvon áigái

·         Jus bargit maŋŋonit eanet go 1 diimmu de galgá almmuhuvvot telefovnna bokte geavaheaddjái

·         Das galgá addojuvvo njálmmálaš ja čálalaš diehtu go lea rievdadusat bálvalusas, rievdaduvvon áigu buohccivuođaid dahje luomuid oktavuođas

·         Farggamusat go leat váldán oktavuođa galgá dutnje dieđihuvvo go dus lea ruovttugalledeapmi

Maid vuordá ruovttubuohccidikšu dus geavaheaddjin?

·         Don almmuhat jus don it leat ruovttus. Veahkki addojuvvo dušše dalle go leat ruovttus

·         Don divttát veahkkeneavvuid heiveheami maid don geavahat ruovttus

·         Don fuolahat iežat dállui beassama

·         Don gudnejahtát ahte bargit eai sáhte vuostáiváldit skeaŋkkaid dahje ruđaid dus

·         Don gudnejahtát ahte bargiin lea jávohisvuođageasku

·         Don geavahat veahkkeneavvuid ja eará luoikkahuvvon dávviriid ruovttubuohccedivššus várrogasvuođain ja máhcahat daid maŋŋá go leat buhtistan

·         Don sáhtát ieš bargat doaimmaid maid don hálddašat

·         Don deaivvadat bargiiguin gutnálašvuođain

Mo oažžu bálvalusa

Ohcan dáhpáhuvvá čálalaččat dahje njálmmálaččat, don sáhtát oažžu veahki ohcamuš deavdimii. Das dahkkojuvvo maid guorahallangallestallan čielggadan dihtii du veahkkedárbbuid. Erenoamáš dáhpáhusaid oktavuođas sáhttá ruovttubuohccidikšu mieđihuvvot beaivvát ala.