Language Language Language Visning: A A A A A
toppbilde

Interreg-prošeavtta 2019 stáhtusa «Oktasaš birashálddašeapmi Deanujogas»

Prošeakta lea álggahuvvon norgga- suoma rádječázádatkommišuvnna ovttasbarggu rámmaiguin ja dan ruhtada earret eará EO Interreg-prográmma. Prošeakta álggii 2017:s ja galgá loahpahuvvot 2020 njukčamánus. Prošeavttas leat norgga ja suoma birashálddašeapmi ovttasbargan iešguđet áššečuolmmaid dáfus main lea mearkkašupmi Deanu rádječázádaga birasstáhtusii. Vulobealde oaidná oanehis bajilgova juohke oasseprošeavttas.

 

  1. Deanučázádaga guollediehtobása

Norgga ja suoma dutkit ja eiseválddit ovttasbarget čohkket dieđuid guliid birra Deanočázádagas oktasaš diehtobásii. Diehtobásain leat bargame ja dat gárvána prošeavtta loahpaheapmái. Diehtobásas lea oassi mas álbmot lea ulbmiljoavkun; eará oasit leat fas hálddašan- ja dutkanulbmiliid váste.

 

      2. Vánddardanhehttehusat guliide

Suoma bealde kártejedje 2018:s stáhtusa ovddeš buoriduvvon vánddardanhehttehusain guliide. 2019:s lea dahkkon vástideaddji kárten norgga bealde. Dál bargojuvvo ráhkadit oktasaš raportta geahčademiin ja dat gárvvistuvvo prošeavtta loahpaheapmái. Raporta buktá ođasmahtton stáhtusa bargguin buoridit almmolaš ja priváhta geainnu vánddardanhehttehusaid guliide Deanučázádagas.

Dasa lassin galgá divoduvvon rusttet Suomas ordnejuvvot ja guokte vánddardanhehttehusa norgga bealde buoriduvvot 2019:s. Dát doaimmat buktet dan ávkki ahte ođđa guovllut šaddet olámuttos vánddardeaddji guliide.

 

      3. Čáhcegoziheapmi (obbalaččat ja duolvačázi čuozahusat)

Prošeavttas leat ráhkadan oktasaš norgga- suoma čáhcegozihanprográmma Deanučázádahkii. Dasa lassin leat čađahan čuovvovaš gozihandoaimmaid:

2019:s galget dahkkot guokte ođđa iskkadeami:

  • Čuovvoleaddji resipieantaiskkadeapmi duolvačázis (Deatnu)
  • Čázádagas dahkat ruoššaluosain eDNA iskkademiid

Mii leat maid čohkken dieđuid stuorámus duolvačáhceluoitimiid birra čázádagas. Fáktáárka rusttegiid birra biddjojuvvo norgga-suoma rádječázádatkommišuvnna neahttasiidui dán čavčča mielde.

 

      4. Luondduvalljivuohta čázádagas

Norgga ja suoma eiseválddit leat prošeavttas lonohallan dálá dieđuid luondduvalljivuođa birra čázádagas. Dasa lassin leat dahkkon guokte ođđa iskkadeami 2018:s.

Dál leat bargame oasseprošeavtta loahparaporttain.

 

Eanet dieđuid prošeavtta birra:

Váldde oktavuođa Romssa ja Finnmárkku Fylkkamánniin (Anne Fløgstad Smeland, e-poasta: anfsm@fylkesmannen.no; telefuvdna 78950574).